ຕາມ​ຂ່າວCRI:ວັນ​ທີ8ມີນາ​ນີ້,"ຮ່າງ​ກົດ​ໝາຍ​ວ່າ​ດ້ວຍ​ອາກອນ​ລາຍ​ໄດ້​ຂອງ​ວິ​ສາ​ຫະກິດ"ຈີນ​​ໄດ້​ຍືນ​ໃຫ້ກອງ​ປະຊຸມປະຈຳ​ປີ​ຂອງ​ສະພາ​ປະຊາຊົນ​ແຫ່ງ​ຊາດ​ຈີນທີ່​ຈັດ​ຂຶ້ນ​ຢູ່​ທີ່​ປັກ​ກິ່ງ​ພິຈາລະນາ.ຮ່າງ​ກົດໝາຍ​ສະບັບ​ນີ້​ມີ​ແຜນຈະທ້ອນ​ໂຮມອັດຕາ​ອາກອນ​ລາຍ​ໄດ້​ຂອງ​ວິ​ສາ​ຫະກິດ​ຈີນ​ແລະ​ຕ່າງປະ​ເທດເປັນ​ເອກະ​ພາບ​ກັນ,ສ້າງສະພາບ​ແວດ​ລ້ອມ​ຕະຫຼາດ​ທີ່​ແຂ່ງຂັນ​ຢ່າງ​ທ່ຽງ​ທຳ​ໃຫ້​ວິ​ສາ​ຫະກິດ​ປະ​ເພດ​ຕ່າງໆ.

ປັດຈຸບັນ,ພາລະ​ດ້ານ​ພາສີ​ອາກອນ​ຕົວ​ຈິງ​ຂອງ​ວິ​ສາ​ຫະກິດ​ຈີນສູງ​ກວ່າ​ວິ​ສາ​ຫະກິດ​ຕ່າງ​ປະ​ເທດ​​ເກືອບ10%.

"ຮ່າງ​ກົດໝາຍ​ວ່າ​ດ້ວຍ​ອາກອນ​ລາຍ​ໄດ້​ຂອງ​ວິ​ສາ​ຫະກິດ"ຈະ​ກຳນົດ​ອັດຕາອາ​ກອນ​ລາຍ​ໄດ້​ຂອງ​ວິ​ສາ​ຫະກິດ​ຈີນ​ແລະ​ຕ່າງປະ​ເທດ​ເປັນ25%,ວິ​ສາ​ຫະກິດ​ຂະໜາດ​ນ້​ອຍ​ທີ່ມີ​ລາຍ​ໄດ້​ຕ່ຳທີ່​ມີ​ເງື່ອນ​ໄຂ​ແລະ​ວິ​ສາ​ຫະກິດ​ໄຮ​ເທັກ​ທີ່​ລັດ​​ເນັ້ນ​ໃຫ້ກາ​ນຊຸກ​ຍູ້ນັ້ນ​ສາມາດ​ເສຍ​ອາກອນ​ຕາງ​ອັດຕາ​ອາກອນ20%​ແລະ15%,ອີງ​ຕາງ​ຮ່າງ​ກົດໝາຍ,ວິ​ສາ​ຫະກິດ​ຕ່າມປະ​ເທດ​ທີ່​ເສຍ​ອາ​ກອນ​ໃຫ້​ຂໍ້​ສະດວກ​ໃນ​ອະດີດ​ນັ້ນ,ສາມາດ​ມີ​ສິດທິ​ພິ​ເສດ​ຊົ່ວຄາວ​ໃນ​ດ້ານ​ອັດຕາ​ອາກອນ​ພາຍ​​ໃນ5​ປີ​ນັບ​ແຕ່​ກົດໝາຍ​ອາກອນ​ສະບັບ​ໃໝ່​ເລິ່ມ​ປະຕິບັດ.

ວັນ​ທີ8​ມີນາ​ນີ້,​ໃນ​ກອງ​ປະຊຸມ​ປະຈຳ​ປີ​ຂອງ​ສະພາ​ປະຊາຊົນ​ແຫ່ງ​ຊາດ​ຈີນ,ທ່ານ​ຈິ່ນ​ເຢີນຊີ້ງ ລັດຖະມົນຕີ​ວ່າການກະຊວງ​ການ​ເງິນ​ຈີນກ່າວ​ວ່າ,ການ​ປະຕິ​ຮູບ​ຂອງ​ອາກອນ​ລາຍ​ໄດ້​ຂອງ​ວິ​ສາຫະກິດ​ແມ່ນ​ວຽກ​ງານ​ທີ່​​ເປັນຂີດ​ໝາຍສະ​ແດງ​ໃຫ້​​ເຫັນ​ວ່າ,ລະບອບ​ເສດຖະກິດ​ຈີນ​ໄດ້ສຸກ​ງອມ​ແລະ​​ເຂົ້າ​ສູ່ລະບຽບ​ແລ້ວ,​ກໍ່​ແມ່ນ​ຄວາ​ມຮັບ​ຮູ້​ຄື​ກັນ​ແລະ​ຄຳຮ​ຽກຮ້ອງ​ຂອງ​ວົງ​ການ​ຕ່າງໆ​ໃນ​ສັງຄົມ.ທ່ານ​ຄາດ​ວ່າ,ຍ້ອນ​ວ່າເມື່ອ​ເບິ່ງ​ຈາກ​ສະພາບ​ໂດຍ​ລວມ​ໄດ້​ຫຼຸດ​ອັດຕາ​ອາກອນ​ຕາມ​ການ​ກຳນົດ​ຂອງ​ກົດໝາຍ,ຖ້າວ່າ​ປີ2008ປະຕິບັດ​ກົດໝາຍ​ອາກອນ​ສະ​ບັບ​ໃໝ່,ລາຍ​ໄດ້​ການ​ເງິນຂອງ​ຈີນ​ຈະ​ຫຼຸ​ດລົງ93ຕື້​ຢວນ,​ແມ່ນ​ຢູ່​ໃນ​ຂອບ​ເຂດ​ທີ່ຮັບ​ໄດ້.