|
ຕາມຂ່າວCRI:ໃນເວລາສະເໜີບົດລາຍງານວຽກງານລັດຖະບານໃນກອງປະຊຸມປະຈຳປີຂອງສະພາປະຊາຊົນແຫ່ງຊາດຈີນທີ່ໄຂຂຶ້ນໃນວັນທີ5ມີນານີ້,ທ່ານເວີນເຈຍປາວ ນາຍົກລັດຖະມົນຕີຈີນກ່າວວ່າ,ບົນພື້ນຖານທີ່ປັບປຸງອົງປະກອບໃຫ້ດີຂຶ້ນ,ຍົກປະສິດທິຜົນໃຫ້ສູງຂຶ້ນ,ຫຼຸດການສິ້ນເປືອງພະລັງງານໃຫ້ໜ້ອຍລົງແລະອະນຸລັກສິ່ງແວດລ້ອມ,ປີນີ້,ເປົ້າໝາຍການເຕີບໂຕຂອງGDPຂອງຈີນແມ່ນປະມານ8%.ນີ້ແມ່ນຈີນກຳນົດເງື່ອນໄຂເບື້ອງຕົ້ນໃຫ້ເປົ້າໝາຍການເຕີບໂຕທາງເສດຖະກິດເປັນເທື່ອທຳອິດ.
ທ່ານເວີນເຈຍປາວກ່າວວ່າ,ສິ່ງສຳຄັນກວ່ານັ້ນແມ່ນຈະຊັກນຳການຜັນຂະຫຍາຍພັດທະນະທັດວິທະຍາສາດຢ່າງຈົດຈໍ່,ຫັນປ່ຽນຈຸດໜັກຂອງວຽກງານເປັນການ ປັບປຸງອົງປະກອບໃຫ້ດີຂຶ້ນ,ການຍົກປະສິດທິຜົນໃຫ້ສູງຂຶ້ນ,ການປະຢັດພະລັງງານແລະຫຼຸດມົນລະພິດໃຫ້ໜ້ອຍລົງ,ປ້ອງກັນບໍ່ໃຫ້ສະແຫວງຫາແລະປຽບທຽບຈັງຫວະເຕີບໂຕໃນດ້ານດຽວຢ່າງຫຼັບຫູຫັຼບຕາ,ບັນລຸໃຫ້ເສດຖະກິດພັດທະນາທັງດີທັງໄວ.
ທ່ານເວີນເຈຍປາວຍັງໄດ້ປະກາດເປົ້າໝາຍອື່ນໆໃນການພັດທະນາຂອງຈີນໃນປີນີ້,ເຊິ່ງລວມທັງຈຳນວນຜູ້ປະກອບອາຊີບທີ່ເພິ່ມຂຶ້ນຢູ່ຕົວເມືອງບໍ່ໜ້ອຍກວ່າ9ລ້ານຄົນ,ຄວບຄຸມອັດຕາຫວ່າງງານໃນຕົວເມືອງໃຫ້ຕ່ຳກວ່າ4,6%,ປັບປຸງສະພາບບໍ່ດຸນດ່ຽງກັນລະຫວ່າງລາຍໄດ້ລາຍຈ່າຍສາກົນໃຫ້ດີຂຶ້ນ,ສືບຕໍ່ປະຕິບັດນະໂຍບາຍການເງິນແລະນະໂຍບາຍເງິນຕາທີ່ໝັ້ນທ່ຽງ.
|
