ຕາມ​ຂ່າວ​ຈາກໜັງ​ສືພິມ​ເຢິນມິນ​ຢື້​ປ້າວຂອງ​ຈີນ:ວັນ​ທີ28​ກຸມພາທີ່​ແລ້ວ,ກົມ​ສະ​ຖິຕິ​​ແຫ່ງ​ຊາດ​ຈີນ​ໄດ້​ປະກາດ" ແຈ້ງ​ການ​ສະຖິຕິ​ການ​ພັດທະນາ​ເສດ​ຖະ​ກິດ​ແຫ່ງ​ຊາດ​ແລະ​ສັງ​ຄົມ​ປີ2006".​ແຈ້ງ​ການຂຽນ​ວ່າ,​ອີງ​ຕາມ​ການ​ໄລ່​ລຽງ​ໃນ​ເບື້ອງ​ຕົ້ນ,GDP​ຂອງ​ຈີນປີ2006​​ໄດ້​ບັນລຸ2​ໝື່ນ9​ຮ້ອຍ4​ສິບ​ຕື້700​ລ້ານ​ຢວນ,​ໄດ້​ເພິ່ມ​ຂຶ້ນ10,7%​ເມື່ອ​ທຽບ​ກັບ​ປີ2005.

ແຈ້ງ​ການຂຽນວ່າ,​ໃນ​ທ້າຍ​ປີ2006,ປະຊາກອນ​​ຈີນ​​ໄ​ດ້ບັນລຸ1​ຕື້310​ລ້ານ​ຄົນ,ປະຊາກອນ​ຕົວ​ເມືອງ​ໄດ້ກວມ43,9%​ຂອງ​ຍອດປະລິມານ​ປະຊາກອນ​ທົ່ວ​ປະ​ເທດ​.

ພ້ອມ​ກັນ​ນັ້ນ,​ແຈ້ງ​ການ​ເຜີຍ​ໃຫ້​ຮູ້​ວ່າ,ປີ2006,ຜົນ​ຜະລິດທັນ​ຍາ​ຫານ​ຂອງ​ຈີນ​ໄດ້​ເພິ່ມຂຶ້ນ2,8%​ເມື່ອ​ທຽບ​ກັບ​ປີ2005.ເພິ່ມ​ຂຶ້ນ​ເປັນ3​ປີ​ລຽນຕິດນັບ​ແຕ່​ປີ1985ມາ​ນີ້.

ຕົວ​ເລກ​ສຳຄັນ​ໃນ​​ແຈ້ງ​ການ​ຍັງ​ມີ:ຍອດ​ມູນ​ຄ່າ​ສົ່ງ​ອອກ​ນຳ​ເຂົ້າ​ຂອງ​ຈີນ​ປີ2006​ໄດ້​ເພິ່ນຂຶ້ນ23,8%,ຄັງ​ສຳຮອງ​ເງິນຕາ​ຕ່າ​ງປະ​ເທດລື່ນຫຼາຍ1000​ຕື້​ໂດ​ລາ,ຄ່າ​​ຄົ້ນຄວ້າ​ພັດທະນາ​ກວມ1,41%​ຂອງGDP​.