|
ຜູ່ຊ່ຽວຊານຂອງກະຊວງການເງິນຈີນເຫັນວ່າ,ລະບອບສ່ວຍສາອາກອນໃໝ່ຫຼັງຈາກໂຮມພາສີລາຍໄດ້ຂອງວິສາຫະກິດຈີນແລະຕ່າງປະເທດເປັນເອກະພາບກັນແລ້ວ ຍັງດູດດຶງທຶນຕ່າງປະເທດໄດ້ຫຼາຍຢູ່
cri
Author: da
ຕາມຂ່າວຈາກໜັງສືພິມເຢິນມິນຢື້ປ້າວລາຍງານວ່າ,ຜູ່ຊ່ຽວຊານຂອງກະຊວງການເງິນຈີນເຫັນວ່າ,ການໂຮມພາສີລາຍໄດ້ຂອງວິສາຫະກິດຈີນແລະຕ່າງປະເທດເປັນເອກະພາບກັນ ບໍ່ແມ່ນຍົກເລີກການຍົກເວັ້ນພາສີລາຍໄດ້ຂອງວິສາຫະກິດຕ່າງປະເທດ,ລະບອບສ່ວຍສາອາກອນໃໝ່ຍັງດູດດຶງທຶນຕ່າງປະເທດໄດ້ຫຼາຍຢູ່.
ກອງປະຊຸມປະຈຳປີຂອງສະພາຜູ່ແທນປະຊາຊົນແຫ່ງຊາດຈີນທີ່ຈະຈັດຂຶ້ນຢູ່ປັກກິ່ງໃນເດືອນໜ້າຈະພິຈາລະນາກົດໝາຍວ່າດ້ວຍພາສີລາຍໄດ້ຂອງວິສາຫະກິດ,ກົດໝາຍສະບັບນີ້ຈະໂຮມອັດຕາສ່ວຍສາອາກອນລາຍໄດ້ຂອງວິສາຫະກິດຈີນແລະຕ່າງປະເທດເປັນເອກະພາບກັນ ຄື 25%,ທັງຈະປະຕິບັດລະບົບສ່ວຍສາອາກອນຕ່ຳຄັ້ງໃໝ່ທີ່"ໃຫ້ອຸດສາຫະກຳຊົມໃຊ້ສ່ວຍສາອາກອນຕ່ຳເປັນຫຼັກ,ໃຫ້ພາກພື້ນຊົມໃຊ້ສ່ວຍສາອາກອນຕ່ຳເປັນສຳຮອງ".
ທ່ານເຈຍຄ່າງ ຫົວໜ້າສະຖາບັນຄົ້ນຄວ້າວິທະຍາສາດຂອງກະຊວງການເງິນຈີນກ່າວວ່າ,ການໄຂປະຕູສູ່ພາຍນອກ ດູດດຶງທຶນຕ່າງປະເທດແມ່ນນະໂຍບາຍພື້ນຖານແຫ່ງຊາດເປັນເວລາຍາວນານຂອງຈີນ,ຈີນຈະບໍ່ຍົກເລີກນະໂຍບາຍສ່ວຍສາອາກອນລາຍໄດ້ຕ່ຳຕໍ່ທຶນຕ່າງປະເທດ.ກົດໝາຍວ່າດ້ວຍສ່ວຍສາອາກອນລາຍໄດ້ຂອງວິສາຫະກິດສະບັບໃໝ່ຈະຊຸກຍູ້ການຊົມໃຊ້ນະໂຍບາຍສ່ວຍສາອາກອນຕ່ຳຕໍ່ວິສາຫະກິດຈີນແລະຕ່າງປະເທດຢ່າງສົມເຫດສົມຜົນແລະຍົກສູງລະດັບນຳໃຊ້ທຶນຕ່າງປະເທດ.
ທ່ານກ່າວວ່າ,ຈີນປະຕິບັດອັດຕາສ່ວຍສາອາກອນຕ່ຳອັນໃໝ່ຄື 25% ນັ້ນຍັງຕ່ຳກວ່າອັດຕາສ່ວຍສາອາກອນສະເລ່ຍຂອງຫຼາຍປະເທດແລະເຂດແຄວ້ນຢູ່ອ້ອມຂ້າງ,ຈຶ່ງຍັງສາມາດດູດດຶງທຶນຈາກຕ່າງປະເທດໄດ້ຫຼາຍຢູ່.
|
|
