ຕາມ​ຂ່າວ​ຈາກ​ໜັງສືພິມ​​ເຢິນມິນ​ຢື້​ປ້າວ​ສະບັບ​ຕ່າງປະ​ເທດ:ວັນ​ທີ24​ມັງກອນ​ນີ້,ຢູ່​ທີ່​ປັກ​ກິ່ງ,ທ່ານ​ວ່າງ​ກວ່າງ​ທ່າວ ລັດຖະ​ມົນ​ຕີ​ວ່າການ​ກະຊວງ​ກໍ່ສ້າງ​ຈີນ​ກ່າວ​ວ່າ,ປີ​ນີ້,ຕົວ​ເມືອງ​ທັງ​ໝົດ​ຂອງ​ຈີນ​ລ້ວນ​ແຕ່ຈະ​ສ້າງ​ລະບອບ​​ເຊົ່າ​ເຮືອນລາ​ຄາຖືກ.

ທ່ານ​ວ່າງ​ກວ່າ​ງທ່າວ​ກ່າວ​ເນັ້ນ​ວ່າ,ການ​ສ້າງ​ລະ​ບົບ​ປະກັນ​​ເຮືອນຢູ່​ທີ່​ມີຫຼາຍລະດັບ​ແມ່ນ​ໜ້າ​ທີ່ຮັບ​ຜິດຊອບ​ຂອງ​ລັດຖ​ະບານ.​ແຫ່ງ​ຕ່າງໆ​ຂອງ​ຈີນ​ຈະ​ປັບປຸງ​ລະບອບ​​ເຊົ່າ​ເຮືອນລາ​ຄາຖືກ​ໃຫ້​ສົມ​ບູນຂຶ້ນ,​ເຮັດ​ໃຫ້​ຂອບ​ເຂດ​ການ​ປະກັນ​ຂະຫຍາຍໄປ​ຮອດ​ຄອບ​ຄົວທີ່​ມີ​ຄວາມ​ຫຍຸ້ງ​ຍາກ​​ດ້ານ​​ເຮືອນ​ຢູ່​ຍ້ອນມີ​ລາຍ​ໄດ້​ໜ້ອຍ,ລັດຖະບານ​ຈະ​ຈັດ​ຕັ້ງ​ສ້າງ​ເຮືອນ​ຢູ່​ຂະໜາດ​ນ້ອຍຈຳ​ນວນໜຶ່ງ,ຮັບ​ຊື້​ແລະ​ດັດ​ສ້າງ​ເຮືອນ​ຢູ່​ເກົ່າ​ຈຳ​ນວນໜຶ່ງ,​ເພື່ອ​ຕອບ​ສະໜອງ​ກັບ​ຄວາມ​ຕ້ອງການ​​ໃນການ​ປະກັນ​ເຮືອນ​ຢູ່.ນອກ​ນີ້,ຍັງ​ຈະ​ປົວ​ແປງ​ສະພາບ​ຢູ່​ອາ​ໄສ​ຂອງຊາວ​ກະສິກອນ​ທີ່​ມາ​ເຮັດ​ວຍກ​ໃນ​ຕົວ​ເມືອງ.

ຕາມ​ສະຖິຕິ,ນັບ​ມາ​ຮອດ​ວັນ​ທີ20​ທັນວາ​ປີ​ກາຍ​ນີ້,ຈີນ​ມີ274ຕົວ​ເມືອງໄດ້​ສ້າງ​ແລະ​ປະຕິບັດ​ລະບອບ​ເຊົ່າ​ເຮືອນ​ລາຄາ​ຖືກ.