|
|
 |
| (GMT+08:00)
2007-01-04 18:57:50
|
 |
|
ການລົງທຶນໃນຊັບສິນຄົງທີ່ຂອງຈີນໃນປີ2007ອາດຈະຫຼຸດລົງ
cri
ຕາມຂ່າວສານຊິນຮວາ,ຫວ່າງມໍ່ໆນີ້,ໃນບົດລາຍງານຄົ້ນຄວ້າສະບັບໜຶ່ງ,ສູນຄົ້ນຄວ້າແລະຄາດຄະເນຂອງສະພາບັນດິດວິທະຍາສາດຈີນໄດ້ຄາດຄະເນວ່າ,ປີ2007,ການລົງທຶນໃນຊັບສິນຄົງທີ່ຂອງຈີນອາດຈະຫຼຸດລົງ.
ທ່ານວາງໂຊວຢາງ ຫົວໜ້າສູນຄົ້ນຄວ້າແລະຄາດຄະເນຂອງສະພາບັນດິດວິທະຍາສາດຈີນກ່າວວ່າ,ຕໍ່ໄປພາຍໜ້າ,ເປົ້າໝາຍແລະມາດຕະການດັດສົມຄວບຄຸມຂອງສູນກາງຈີນຈະເດັດດ່ຽວກວ່າເກົ່າ.ການອອກແບບນະໂຍບາຍດັດສົມຄວບຄຸມຈະສົມເຫດສົມຜົນກວ່າເກົ່າແລະມີລັກສະນະແນໃສ່ເປົ້າໝາຍຫຼາຍກວ່າເກົ່າ,ຄວາມແຮງໃນການປະຕິບັດກໍເພີ່ມທະວີຂຶ້ນຢ່າງເດັ່ນຊັດ.ທັງໝົດເຫຼົ່ານີ້ຈະມີຜົນດີຕໍ່ການສະກັດກັ້ນບໍ່ໃຫ້ອຳນາດການປົກຄອງທ້ອງຖິ່ນລົງທຶນໄວເກີນຄວນ,ສະນັ້ນ,ເຖິງວ່າ ໂຄງການຂະໜາດໃຫຍ່ທີ່ພວມກໍ່ສ້າງຢູ່ອາດຈະເຮັດໃຫ້ການລົງທຶນໃນປີ2007ຮັກສາຈັງຫວະເຕີບໂຕອ່າວສູງກໍຕາມ,ແຕ່ການເຕີບໂຕ ອາດຈະຫຼຸດລົງ.
ການລົງທຶນເພີ່ມຂຶ້ນໄວເກີນໄປແມ່ນບັນຫາພົ້ນເດັ່ນ ເສດຖະກິດຈີນໃນປັດຈຸບັນແລະກໍແມ່ນຈຸດສຸມຂອງການດັດສົມຄວບຄຸມມະຫາພາກຂອງຈີນ.
|
|
|
