|
ຜົນການສຳຫລວດຜູ້ຊ່ຽວຊານWTOທົ່ວໂລກສະແດງໃຫ້ເຫັນວ່າ,ຈີນເຂົ້າເປັນສະມາຊິກWTOໃນ 5 ປີມານີ້ໄດ້ມີການປະພຶດອັນດີເດັ່ນ
cri
ຕາມຂ່າວສານຊິນຮວາ: ຫວ່າງກ່ອນນີ້,ສູນໃຫ້ຄຳປຶກສາວຽກງານWTOຫລືອົງການການຄ້າໂລກຂອງນະຄອນຊຽງໄຮ້ແລະສະມາຄົມການຄ້າສາກົນນະຄອນຊຽງໄຮ້ໄດ້ສຳຫລວດແບບໃບສອບຖາມຕໍ່ຜູ້ຊ່ຽວຊານອາວຸໂສຂອງອົງການWTOເກືອບຮ້ອຍຄົນໃນທົ່ວໂລກ.ຜົນສຳຫລວດສະແດງໃຫ້ເຫັນວ່າ,ຜູ້ໃຫ້ສຳພາດ 57%ໄດ້ໃຫ້ 80 ຄະແນນຂຶ້ນໄປຕໍ່ການປະພຶດລວມຂອງຈີນໃນການປະຕິບັດຄຳໝັ້ນສັນຍາໃນເວລາເຂົ້າເປັນສະມາຊິກອົງການການຄ້າໂລກ,ບໍ່ມີຄົນຕີລາຄາຕ່ຳກວ່າ 70 ຄະແນນ.ຜູ້ໃຫ້ສຳພາດ 71%ເຫັນວ່າ,ຈີນໄດ້ຕັ້ງໜ້າປັບປຸງກົດໝາຍແລະປະຕິຮູບໂຄງປະກອບເສດຖະກິດການຄ້າ,ໂຄງປະກອບເສດຖະກິດແລະກົດໝາຍການຄ້າທີ່ຈີນປະຕິບັດໃນປະຈຸບັນໄດ້ເປັນເອກະສັນກັນໂດຍພື້ນຖານກັບຄາດໝາຍຂອງໂຄງປະກອບການຄ້າຫລາຍຝ່າຍຂອງອົງການWTO.
ໃນດ້ານຫລຸດພາສີສິນຄ້າແລະການອະນຸມັດເຂົ້າຕະຫລາດ,ຜູ້ໃຫ້ສຳພາດ 57%ເຫັນວ່າ ຈີນໄດ້ປະຕິບັດຄຳໝັ້ນສັນຍາໃນເວລາເຂົ້າເປັນສະມາຊິກອົງການການຄ້າໂລກໂດຍພື້ນຖານ;ແຕ່ໃນດ້ານປະຕິບັດສິດຊັບສິນທາງປັນຍາ,ຜູ້ໃຫ້ສຳພາດ 86%ເອົາໃຈໃສ່ນຳບັນຫາທີ່ຈີນມີຢູ່ໃນປະຈຸບັນ.
ເປົ້າໝາຍຂອງການສຳຫລວດເທື່ອນີ້ແມ່ນຜູ່ຊ່ຽວຊານອາວຸໂສຂອງWTOຢູ່ທະວີບອາເມລິກາ ເອີລົບ ໂອຊຽນນີແລະອາຊີເປັນຕົ້ນທີ່ຄຸ້ນເຄີຍສະພາບຂອງຈີນ.
|
|
