|
|
 |
| (GMT+08:00)
2006-12-02 20:24:54
|
 |
|
ວິສາຫະກິດຈີນທີ່ຜະລິດອາຫານປອດສານເຄມີມີເກືອບ4000ແຫ່ງ
cri
ຕາມຂ່າວສານຊີນຮວາ,ມາຮອດປະຈຸບັນ,ວິສາຫະກິດຈີນທີ່ຜະລິດອາຫານປອດສານເຄມີໄດ້ມີເກືອບ4000ແຫ່ງ,ຜະລິດຕະພັນຫຼາຍກວ່າ1ໝື່ນຊະນິດ.
ວັນທີ2ທັນວານີ້,ໃນງານວາງສະແດງອາຫານປອດສານເຄມີທີ່ຈັດຂຶ້ນຢູ່ນະຄອນຊຽງໄຮ້,ທ່ານນິວດຸ້ນ ລັດຖະມົນຕີຊ່ວຍວ່າການກະຊວງກະສິກຳຈີນໄດ້ເຜີຍໃຫ້ຮູ້ຕົວເລກດັ່ງກ່າວ.ທ່ານເວົ້າວ່າ,ໃນຫຼາຍປີມໍ່ໆມານີ້,ຂະແໜງການຜະລິດອາຫານປອດສານເຄມີຂອງຈີນໄດ້ຮັກສາທ່ວງທ່າພັດທະນາຢ່າງວ່ອງໄວແລະປອດໃສ,ອາຫານປອດສານເຄມີໄດ້ກາຍເປັນຍີ່ຫໍ້ຜະລິດຕະພັນກະສິກຳຍອດຢ້ຽມທີ່ປອດໄພແລະຄຸນນະພາບດີ.
ທ່ານນິວດຸ້ນເວົ້າວ່າ,ການເລັ່ງລັດພັດທະນາອາຫານປອດສານເຄມີ,ຕອບສະໜອງຄວາມຕ້ອງການຂອງຕະຫຼາດພາຍໃນແລະຕ່າງປະເທດທີ່ມີຕໍ່ຜະລິດຕະພັນກະສິກຳທີ່ປອດແລະຄຸນນະພາບດີນັ້ນ,ແມ່ນມາດຕະການຍຸດທະສາດລາຍໜຶ່ງຂອງຈີນໃນການເລັ່ງລັດພັດທະນາກະສິກຳແບບທັນສະໄໝ.ການພັດທະນາອາຫານປອດສານເຄມີ,ຍັງມີຜົນດີຕໍ່ການໃຫ້ຊາວກະສິກອນມີລາຍໄດ້ເພີ່ມຂຶ້ນແລະເພີ່ມການສົ່ງອອກຜະລິດຕະພັນກະສິກຳຂອງຈີນ.
|
|
|
