|
ຈີນຫວັງໃຫ້ບັນດາຝ່າຍທີ່ກ່ຽວຂ້ອງຢ່າໃຊ້ການເຄື່ອນໄຫວອີກທີ່ອາດຈະເຮັດໃຫ້ສະຖານະການຂອງແຫຼມເກົາຫຼີເຄັ່ງຕຶງແລະສັບສົນຕື່ມອີກ
cri
ຕາມຂ່າວCRI,ໂດຍແນໃສ່ເລື່ອງສປປເກົາຫຼີທົດລອງຍິງສົ່ງລູກສອນໄຟນຳວິຖີຫຼາຍລູກໃນຕອນຂ້ອນແຈ້ງວັນທີ5ກໍລະກົດ,ວັນທີ6ກໍລະກົດ,ໃນເວລາຕອບຄຳຖາມຂອງນັກຂ່າວໃນງານຊຸມນຸມນັກຂ່າວທີ່ຈັດຂຶ້ນຢູ່ປັກກິ່ງ,ທ່ານນາງຈ່ຽງຢູ ໂຄສົກກະຊວງການຕ່າງປະເທດຈີນເວົ້າວ່າ,ຈີນເອົາໃຈໃສ່ຢ່າງໜັກໜ່ວງນຳເລື່ອງນີ້.ປັດຈຸບັນ,ຝ່າຍຈີນພວມແລກປ່ຽນແລະປຶກສາຫາລືຢ່າງໃກ້ຊິດກັບບັນດາຝ່າຍທີ່ກ່ຽວຂ້ອງ,ຫວັງໃຫ້ບັນດາຝ່າຍຈົ່ງຮັກສາໃຈເຢັນແລະຄວາມອົດກັ້ນໄວ້,ຖືພາກສ່ວນໃຫຍ່ແຫ່ງສັນຕິພາບແລະສະຖຽນລະພາບຂອງແຫຼມເກົາຫຼີເປັນຫຼັກ,ເຮັດວຽກທີ່ມີຜົນດີຕໍ່ສັນຕິພາບແລະສະຖຽນລະພາບຂອງແຫຼມເກົາຫຼີກໍຄືອາຊີຕາເວັນອອກສຽງເໜືອນັ້ນໃຫ້ຫຼາຍ.
ທ່ານນາງຈ່ຽງຢູກ່າວວ່າ,ຈຸດເລີ່ມກົກຮາກຂອງຝ່າຍຈີນທີ່ຊຳລະວຽກງານແຫຼມເກົາຫຼີນັ້ນີແມ່ນເພື່ອຮັກສາສັນຕິພາບແລະສະຖຽນລະພາບຂອງແຫຼມເກົາຫຼີ.ທ່ານນາງຫວັງໃຫ້ຜ່ອນຄາຍສະຖານະການດ້ວຍຄວາມພະຍາຍາມທາງການທູດ,ແກ້ໄຂບັນຫາດ້ວຍການສົນທະນາແລະປຶກສາຫາລືກັນ.ນີ້ສອດຄ່ອງກັບຜົນປະໂຫຍດ ຮ່ວມຂອງບັນດາຝ່າຍ.
|
|
