|
ປະທານເຂດຕິເບດປົກຄອງຕົນເອງເວົ້າວ່າ,ນັກທ່ອງທ່ຽວຫຼັ່ງໄຫຼເຂົ້າຕິເບດຈະກະທົບກະເທືອນສິ່ງແວດລ້ອມເຂດຕິເບດບໍ່ຫຼາຍ
cri
Author: da
ຕາມຂ່າວສານຊິນຮວາ:ທ່ານຊຽງບາພິງໂຊ ປະທານເຂດຕິເບດປົກຄອງຕົນເອງເວົ້າວ່າ,ຫຼັງຈາກທາງລົດໄຟຊິງໄຮຕິເບດເປີດແລ່ນລົດແລ້ວ ຜູ້ເຂົ້າເຂດຕິເບດຈະເພີ່ມຂຶ້ນຢ່າງແນ່ນອນ,ແຕ່ຈະກະທົບກະເທືອນສິ່ງແວດລ້ອມຊີວະພາບຂອງເຂດຕິເບດບໍ່ຫຼາຍ.
ວັນທີ 4 ກໍລະກົດ ໃນງານຊຸມນຸມນັກຂ່າວຕ່າງປະເທດທີ່ຈັດຂຶ້ນຢູ່ລາຊາ ທ່ານຊຽງບາພິງໂຊເວົ້າວ່າ,ທາງລົດໄຟຊິງໄຮຕິເບດໄດ້ເປີດແລ່ນລົດໃນວັນທີ 1 ກໍລະກົດຢ່າງເປັນທາງການ,ນີ້ຈະເຮັດໃຫ້ຂະແໜງການທ່ອງທ່ຽວກາຍເປັນອຸດສາຫະກຳເສົາຄ້ຳຂອງເຂດຕິເບດ.ຕາມການຄາດຄະເນ,ຫຼັງຈາກເປີດແລ່ນລົດ,ບວກກັບການຂົນສົ່ງທາງການບິນແລະທາງຫຼວງ,ຜູ້ເຂົ້າເຂດຕິເບດແຕ່ລະມື້ມີປະມານ 5 ພັນຄົນ.ທ່ານເວົ້າວ່າ,ຜູ້ຂີ່ລົດໄຟເຂົ້າເຂດຕິເບດນັ້ນ ສ່ວນຫຼາຍແມ່ນມາທ່ຽວຫຼືມາທຸລະກິດ,ຜູ້ຕັ້ງຖິ່ນຖານບໍ່ຫຼາຍ,ສະນັ້ນ ປະຊາກອນຖາວອນຂອງເຂດຕິເບດຈະບໍ່ມີການປ່ຽນແປງຫຼາຍປານໃດ,ກໍ່ບໍ່ມີກຳລັງໜີບແຮງຕໍ່ສິ່ງແວດລ້ອມ.
ທ່ານເວົ້າວ່າ,ລັດຖະບານຈີນໄດ້ໃຊ້ມາດຕະການຫຼາຍລາຍເພື່ອອະນຸລັກສິ່ງແວດລ້ອມຊີວະພາບຂອງເຂດຕິເບດ,ຊຶ່ງລວມທັງໂຄງການລົງທຶນ 38 ຕື້ 700 ລ້ານຢວນເພື່ອກໍ່ສ້າງສິ່ງກຳບັງຄວາມປອດໄພດ້ານຊີວະພາບລະດັບຊາດພູພຽງຕິເບດ.
|
|
