|
|
 |
| (GMT+08:00)
2006-06-14 16:10:10
|
 |
|
ວິສາຫະກິດສູນກາງຈີນປະກາດຮັບສະຫມັກຜູ່ຄຸ້ມຄອງຊັ້ນສູງ ປີ 2006 ຢ່າງເປີດເຜີຍ
cri
Author: sayvanny
ຕາມຂ່າວສານຊີນຮວາ:ວຽກງານວິສາຫະກິດສູນກາງຈີນປະກາດຮັບສະຫມັກຜູ່ຄຸ້ມຄອງຊັ້ນສູງຢູ່ພາຍໃນແລະຕ່າງປະເທດຢ່າງເປີດເຜີຍໃນປີ 2006 ໄດ້ເລີ່ມຕົ້ນຢ່າງເປັນທາງການ. ປີນີ້ຈະຮັບສະຫມັກຜູ່ຄຸ້ມຄອງຊັ້ນສູງ ຂອງວິສາຫະກິດສູນກາງ 26 ຄົນ,ແມ່ນເທື່ອຫນຶ່ງທີ່ມີຍອດຈຳນວນຕຳແຫນ່ງຫລາຍກວ່າຫມູ່ໃນຫລາຍປີມານີ້.
ວິສາຫະກິດສູນກາງຫມາຍເຖິງວິສາຫະກິດທີ່ຄະນະກຳມະການຕິດ ຕາມກວດກາແລະຄຸ້ມຄອງຊັບສິນແຫ່ງລັດຂອງຄະນະລັດຖະບານຈີນປະຕິ ບັດພັນທະຂອງຜູ່ອອກທຶນ,ເຊິ່ງລ້ວນແຕ່ແມ່ນລັດວິສາຫະກິດຂະຫນາດໃຫຍ່.
ຂ່າວທີ່ຄະນະກຳມະການດັ່ງກ່າວປະກາດໃນວັນທີ 14 ມິຖຸນາກ່າວວ່າ, ປີນີ້ ຈະຮັບສະຫມັກຜູ່ຄຸ້ມຄອງວິສາຫະກິດສູນກາງ 26 ຄົນ, ຕ່າງຈະໄປເຮັດວຽກຢູ່ 26 ວິສາຫະກິດສູນກາງ ຄື ກຸ່ມບໍລິສັດເຫລັກກ້າອູຮ້ານ,ກຸ່ມບໍລິສັດການບິນຕົງຟ່າງຈີນ,ແລະສະຖາບັນອອກແບບໂຄງການເອເລັກໂຕຼນິກຈີນເປັນຕົ້ນ.ໃບແຈ້ງການຮັບສະຫມັກຈະປະກາດຢູ່ພາຍໃນປະເທດແລະຕ່າງປະເທດຢ່າງກວ້າງຂວາງໂດຍຜ່ານສື່ມວນຊົນໃຫຍ່ຕ່າງໆໃນວັນທີ 19 ມິຖຸນາ.
ປີ 2003, ຄະນະກຳມະການຕິດຕາມກວດກາແລະຄຸ້ມຄອງຊັບສິນແຫ່ງລັດຂອງຄະນະລັດຖະບານຈີນໄດ້ປະກາດຮັບສະຫມັກຜູ່ຄຸ້ມຄອງຊັ້ນ ສູງ 7 ຄົນຢ່າງເປີດເຜີຍ,ຈາກນັ້ນຂະຫນາດການປະກາດຮັບສະຫມັກໄດ້ ຂະຫຍາຍອອກຄູ່ປີ.
|
|
|
