|
ໂຄສົກກະຊວງການຕ່າງປະເທດຈີນກ່າວວ່າ, ຢາກໃຫ້ການພົວພັນຈີນຍີ່ປຸ່ນໄດ້ຮັບການປົວແປງແລະຂະຫຍາຍຕົວ, ບັນຫາວັດຢາຊືຄູນີແມ່ນບັນຫາທີ່ຫຼີກລຽງບໍ່ໄດ້
cri
Author: mo
ຕາມຂ່າວCRI：ວັນທີ 25 ພຶດສະພາຢູ່ທີ່ປັກກິ່ງ, ທ່ານລິວຈ້ຽນຊ່າວ ໂຄສົກກະຊວງການຕ່າງປະເທດຈີນກ່າວເນັ້ນວ່າ, ຢາກໃຫ້ການພົວພັນຈີນຍີ່ປຸ່ນໄດ້ຮັບການປົວແປງແລະຂະຫຍາຍຕົວ, ບັນຫາໄປນະມັດສະການວັດຢາຊືຄູນີແມ່ນບັນຫາທີ່ຫຼີກລຽງບໍ່ໄດ້.
ໃນງານຊຸມນຸມນັກຂ່າວ, ທ່ານລິວຈ້ຽນຊ່າວໄດ້ແນະນຳສະພາບການພົບປະ ລະຫວ່າງລັດຖະມົນຕີການຕ່າງປະເທດຈີນຍີ່ປຸ່ນທີ່ຈັດຂຶ້ນໃນໄລຍະກອງປະຊຸມສົນທະນາການຮ່ວມມືອາຊີໂດຮາຄັ້ງທີ 5 ໃນວັນທີ 24 ພຶດສະພາ.. ທ່ານເວົ້າວ່າ, ໃນການພົບປະ, ທ່ານລີຈ້າວຊີງ ລັດຖະມົນຕີການຕ່າງປະເທດຈີນໄດ້ເຈາະຈົງບັນລະຍາຍຫຼັກໝັ້ນຂອງຝ່າຍຈີນກ່ຽວກັບບັນຫາຜູ້ນຳຍີ່ປຸ່ນໄປນະມັດສະການວັດຢາຊືຄູນີທີ່ປະດິດສະຖານປ້າຍອາຊະຍາກອນສົງຄາມຊັ້ນກ.ຂອງສົງຄາມໂລກຄັ້ງທີ 2. ທ່ານລີຈ້າວຊີງຊີ້ອອກວ່າ, ທີ່ຈີງແລ້ວ, ບັນຫາດັ່ງກ່າວໄດ້ເປັນອຸປະສັກສຳຄັນທີ່ຂັດຂວາງການປົວແປງແລະຂະຫຍາຍການພົວພັນຈີນຍີ່ປຸ່ນ, ນີ້ແມ່ນຫົວຂໍ້ສຳຄັນທີ່ຕ້ອງແກ້ໄຂດ່ວນທີ່ຈີນຍີ່ປຸ່ນປະເຊີນໜ້າ.
ທ່ານລິວຈ້ຽນຊາວກ່າວວ່າ, ໃນການພົບປະ, ສອງຝ່າຍເປັນເອກະສັນກັນເຫັນດີພ້ອມກັນພະຍາຍາມກຳຈັດອຸປະສັກທີ່ຂັດຂວາງການຂະຫຍາຍການພົວພັນຂອງສອງປະເທດ, ພ້ອມທັງເຫັນດີເພີ່ມທະວີການຮ່ວມມືໃນຂົງເຂດອື່ນໆຂອງສອງຝ່າຍ, ຝ່າຍຈີນຕີລາຄາທ່າທີຂອງຝ່າຍຍີ່ປຸ່ນຢ່າງຕັ້ງໜ້າ.
|
|
