|
ປະລິມານຜະລິດນ້ຳມັນດິບຂອງຈີນໄດ້ເຂົ້າສູ່ໄລຍະເພີ່ມຂຶ້ນຢ່າງຫມັ້ນທ່ຽງ
cri
Author: sayvanny
ຕາມຂ່າວສານຊີນຮວາ:ປັດຈຸບັນ ປະລິມານການຜະລິດນ້ຳມັນດິບຂອງຈີນໄດ້ເຂົ້າສູ່ໄລຍະເພີ່ມຂຶ້ນຢ່າງຫມັ້ນທ່ຽງ,ພາຍໃນຫ້າປີຂ້າງຫນ້ານີ້,ຈະບັນລຸເຖິງ 185 ລ້ານຫາ 195 ລ້ານໂຕນ.
ນັກຂ່າວໄດ້ຊາບຈາກກອງປະຊຸມຂະແຫນງການອຸດສາຫະກຳເຄມີທີ່ຈັດຂຶ້ນຢູ່ເມືອງກຸ້ຍຢາງ ຕົວເມືອງພາກຕາເວັນຕົກສຽງໃຕ້ຂອງຈີນວ່າ, ຈີນໄດ້ສ້າງລະບົບອຸດສາຫະກຳນ້ຳມັນເຊື້ອໄຟອັນຄົບຖ້ວນ,ປີກາຍນີ້,ປະລິມານ ຜະລິດນ້ຳມັນດິບຂອງຈີນແມ່ນ 182 ລ້ານໂຕນ.ນອກນີ້, ປະລິມານນ້ຳມັນເຊື້ອໄຟທີ່ຈີນຢັ່ງແທກໄດ້ໃນປັດຈຸບັນຍັງຄົງຢູ່ໃນໄລຍະເພີ່ມຂຶ້ນຢ່າງຫມັ້ນ ທ່ຽງ, ຄຽງຄູ່ກັບຂອບເຂດຢັ່ງແທກເປີດກວ້າງອອກ,ປະລິມານນ້ຳມັນເຊື້ອໄຟທີ່ຈີນຢັ່ງແທກໄດ້ນັ້ນຈີນມີຫວັງສືບຕໍ່ເພີ່ມຂຶ້ນຂ້ອນຂ້າງຫລາຍ.
ເຖິງເປັນແນວນີ້ກໍ່ຕາມ, ຜູ່ຊ່ຽວຊານທີ່ກ່ຽວຂ້ອງຄາດຄະເນວ່າ, ເມື່ອຮອດປີ 2010, ຈີນຍັງຂາດເຂີນນ້ຳມັນເຊື້ອໄຟ 150 ລ້ານໂຕນ, ຕ້ອງການນຳເຂົ້າຈາກຕ່າງປະເທດ.
|
|
