|
|
 |
| (GMT+08:00)
2006-05-02 19:36:18
|
 |
|
ຝ່າຍຈີນທວງໃຫ້ຝ່າຍຍີ່ປຸ່ນເລັ່ງລັດທຳລາຍອາວຸດເຄມີທີ່ປະຖິ້ມຢູ່ຈີນນັ້ນໃຫ້ໄວເຂົ້າ
cri
Author: da
ຕາມຂ່າວສານຊິນຮວາ:ຫວ່າງມໍ່ໆນີ້ ພາກສ່ວນທີ່ກ່ຽວຂ້ອງຂອງຈີນກ່າວວ່າ,ທວງໃຫ້ຍີ່ປຸ່ນຈົ່ງປະຕິບັດຕາມຄຳໝັ້ນສັນຍາໃນ"ສົນທິສັນຍາເກືອດຫ້າມອາວຸດເຄມີ"ແລະຄຳໝັ້ນສັນຍາໃນບົດບັນທຶກຊ່ອຍຈຳທີ່ກ່ຽວຂ້ອງລະຫວ່າງຈີນກັບຍີ່ປຸ່ນນັ້ນຢ່າງແທ້ຈິງ,ເລັ່ງລັດຂະບວນການວຽກງານ,ທຳລາຍອາວຸດເຄມີທີ່ຍີ່ປຸ່ນປະຖິ້ມຢູ່ຈີນນັ້ນຢ່າງເຖິງຖອງໂດຍໄວເທົ່າທີ່ຈະໄວໄດ້.
ຕາມໄດ້ຊາບ,ທ່ານເກຼັດ ບີ ເຢັນ ຫົວໜ້າສະມາຄົມສະຕະວັດໃໝ່ຍີ່ປຸ່ນຈີນຂອງຍີ່ປຸ່ນ ສະມາຊິກສະພາຕ່ຳສັງກັດພັກໂກເມອີໂຕຂອງຍີ່ປຸ່ນໄດ້ນຳພາສະມາຊິກສະພາ 5 ຄົນ,ມາສຳຫຼວດຈຸດຝັງອາວຸດເຄມີທີ່ຍີ່ປຸ່ນປະຖິ້ມ ເຊິ່ງຖືກປະກົດເຫັນຢູ່ແຂວງຈິຫຼິນ ພາກຕາເວັນອອກສຽງເໜືອແລະແຂວງກວາງຕຸ້ງພາກໃຕ້ຂອງຈີນແຕ່ວັນທີ 29 ເມສາຫາວັນທີ 2 ພຶດສະພາ.ຢູ່ກັບບ່ອນ,ຜູ້ຮັບຜິດຊອບພະແນກທີ່ກ່ຽວຂ້ອງຂອງກະຊວງການຕ່າງປະເທດແລະກະຊວງປ້ອງກັນປະເທດຈີນໄດ້ແນະນຳໃຫ້ຝ່າຍຍີ່ປຸ່ນຊາບກ່ຽວກັບອາວຸດເຄມີທີ່ຍີ່ປຸ່ນປະຖິ້ມນັ້ນ,ເປັນການຂົ່ມຂູ່ແລະສ້າງຜົນຮ້າຍຢ່າງໜັກໜ່ວງຕໍ່ຊີວິດ ຊັບສິນແລະສິ່ງແວດລ້ອມຊີວະພາບຂອງປະຊາຊົນໃນທ້ອງຖິ່ນນັ້ນ,ແລະຮຽກຮ້ອງສະມາຊິກສະພາຍີ່ປຸ່ນທວງໃຫ້ຍີ່ປຸ່ນຈົ່ງປະຕິບັດຕາມຄຳໝັ້ນສັນຍາໃນ"ສົນທິສັນຍາເກືອດຫ້າມອາວຸດເຄມີ"ແລະຄຳໝັ້ນສັນຍາໃນບົດບັນທຶກຊ່ອຍຈຳລະຫວ່າງຈີນຍີ່ປຸ່ນກ່ຽວກັບການທຳລາຍອາວຸດເຄມີທີ່ຍີ່ປຸ່ນປະຖິ້ມຢູ່ຈີນນັ້ນຢ່າງແທ້ຈິງ,ເລັ່ງລັດຂະບວນການວຽກງານ,ທຳລາຍອາວຸດເຄມີທີ່ຍີ່ປຸ່ນປະຖິ້ມຢູ່ຈີນນັ້ນຢ່າງເຖິງຖອງໂດຍໄວເທົ່າທີ່ຈະໄວໄດ້.
|
|
|
