ຕາມ​ຂ່າວ​cri:ວັນ​ທີ27​ກຸມພາ,ກົມ​​ໃຫຍ່​ອະນຸ​ລັກ​ສິ່​ງ​ແວດ​ລ້ອມ​ແຫ່ງ​ຊາດ​ຈີນ​ປະກາດ​ວ່າ,​ປະຕິ​ບັດ​ການ​ເຊົາ​ການ​ຜະລິດ​ຕໍ່ວິ​ສາ​ຫະກິດ3​ແຫ່ງ​ທີ່​ເຮັດ​ໃຫ້​ນ້ຳ​ຂອງແມ່​ນ້ຳມູດ່ານ​ຈຽງ​ຖືກເຊື່ອມ​ພິດ.

ປະມານ​ໜຶ່ງ​ອາ​ທິດ​ກ່ອນ,ຢູ່​ບ່ອນ​​ເອົາ​ນ້ຳຂອງ​ແຫຼ່ງນ້ຳ​ເມືອງ​ມູດ່ານ​ຈຽງ​ແຂວງເຮ​ລົງ​ຈຽງ​ໄດ້​ປະກົດ​ມີວັດ​ຖຸຮູບ​ຍອງຝ້າຍ​ທີ່ບໍ່​ຮູ້ກົກ​ເຄົ້າ​ທີ່​ຍາວ20​ກິ​ໂລ​ແມັດ.​​​​ເມື່ອ​ຜູ້​ຊ່ຽວຊານ​ກວດກາ​ແລ້ວ​ເຫັນ​ວ່າ,ວັດ​ຖຸ​ລອຍ​​ນ້ຳ​ຮູບ​ຍອງ​ຝ້າຍ​ນີ້​ແມ່ນ​​ເຫັດ​​ໃນ​ນ້ຳ​ຊະນິດ​ໜຶ່ງ​ທີ່​ເອື້​ນວ່າ​ເຫັດ​ຮູບ​ຫວີ​ໃນ​ນ້ຳ.​ເຖິງ​ວ່າ​ເຫັດຮູບ​ຫວີ​ໃນ​ນ້ຳບໍ່ມີ​ພິດກໍ່​ຕາມ,​ແຕ່​ພັດ​​ແມ່ນຊີວະ​ຊາດທີ່ບົ່ງ​ບອກ​ວ່ານ້ຳຖືກ​​ເຊື່ອມ​ພິດ.ສ່ວນ​ສາ​ເຫດ​ຕົ້ນຕໍ​ທີ່​ເຮັດ​ໃຫ້​ນ້ຳ​ຖືກ​ເຊື່ອມ​ພິດ​ນັ້ນແມ່ນ,​ໂຮງງານ​ຜະລິດ​ເຫຼົ້າ​ແຫ່ງ​ໜຶ່ງ​ທີ່​ຢູ່​ຍ່ານ​ເໜືອ​ຂອງ​ຍອດ​ແມ່​ນ້ຳ​ມູດ່ານ​ຈຽງ​ໄດ້ລະ​ບາຍ​ຂີ້ສ່າ​ເຂົ້າ​ໃນ​ແມ່​ນ້ຳ,ນອກ​ນີ້,ຍັງ​ມີ​ວິ​ສາ​ຫະກິດ​ອີກ​ສອງ​ແຫ່ງ​ໄດ້​ລະບາຍ​ນ້ຳ​​ເສຍ​ເກີນ​ມາດ​ຖານ.