ຕາມ​ຂ່າວ​cri:ຈີນ​ຈະ​ສ້າງ​ລະບອບ​ປະກາດ​ຂໍ້​ມູນ​ຂ່າວສານ​ຕໍ່​ເຫດການ​ສິ່ງ​ແວດ​ລ້ອມທີ່​ເກີດ​ຂຶ້ນ​ຢ່າງ​ກະ​ທັນຫັນ,​ເພື່ອ​ຮັກສາ​ສິດ​ຮູ້​ສະ​ພາບ​ສິ່ງ​ແວດ​ລ້ອມ​ຂອງ​ມວນ​ຊົນ.

ວັນ​ທີ6​ກຸມພາ,ຢູ່​ທີ່​ປັກ​ກິ່ງ,ຜູ້​ຮັບ​ຜິດ​ຊອບ​ທີ່​ກ່ຽວຂ້ອງ​ຂອງ​ກົມ​ໃຫຍ່​ອະນຸລັກ​ສິ່ງ​ແວດ​ລ້ອມ​ແຫ່ງ​ຊາດ​ຈີນກ່າວ​ວ່າ,ຕໍ່​ໄປ​ພາຍ​ໜ້າ,​ພາຍຫຼັງ​​​ປະກົດ​ເຫັນ​ເຫດການ​ສິ່ງ​ແວດ​ລ້ອມ​ທີ່​​ເກີດ​ຂຶ້ນ​ຢ່າງ​ກະທັນ​ຫັນ​ແລ້ວ,ຫົວ​ໜ່ວຍ​ແລະ​ຜູ້​ຮັບຜິດຊອບ​ທີ່​ກ່ຽວ​ຂ້ອງ​ຕ້ອງ​ລາຍ​ງານ​ຕໍ່​ພາກ​ສ່ວນ​ທີ່​ກ່ຽວ​ຂ້ອງ​ຂອງທ້ອງ​ຖິນພາຍ​ໃນ1​ຊົ່ວ​ໂມງ,​ແລະ​ຈັດ​ຕັ້ງ​ການ​ສຳ​ຫຼວດກັບ​ທີ່​ໃນ​ທັນທີ,ພາຍ​​ໃຕ້​ກໍລະ​ນີສຸກ​ເສີນ,ຈະລາຍ​ງານ​ຕໍ່​ຄະນະ​ລັດຖະບານ​ຫຼືກົມ​ໃຫຍ່​ອະນຸລັກ​ສິ່ງ​ແວດ​ລ້ອມ​​ໂດຍ​ກົງກໍ​ໄດ້.

ຜູ້​ຮັບຜິດຊອບ​ຜູ້​ນີ້​ກ່າວ​ເນັ້ນ​ວ່າ,​ແຫ່ງ​ຕ່າ​ງໆຈະ​ລົງ​ໂທດ​ຢ່າງ​ເຄັ່ງ​ຄັດ​ຕໍ່ຫົວ​ໜ່ວຍແລະ​ບຸກຄົນທີ່​ລາຍ​ງານຂີ້ຕົວະ​ແລະ​ປົກປິດບໍ່​ລາຍ​ງານເຫດ​ການສິ່ງ​ແວດ​ລ້ອມທີ່​ເກີດຂຶ້ນ​ຢ່າງ​ກະທັນ​ຫັນ,​ສຳ​ລັບຜູ້​ທີ່ປະ​ກອບ​ເປັນ​ການ​ຕ້ອງ​ໂທດ​ນັ້ນ,ຈະ​ໃຫ້ອົງ​ການ​ຍຸດຕິ​ທຳ​ລົງ​ໂທດ​ທາງ​ອາຍາ​ຕາມ​ກົດໝາຍ.