|
|
 |
| (GMT+08:00)
2006-01-17 18:38:20
|
 |
|
ຈີນຄ່ອຍໆກາຍເປັນປະເທດຖືຫຸ້ນແລະຄູ່ຂາຮ່ວມມືຍຸດທະສາດທີ່ສຳຄັນຂອງທະນາຄານໂລກ
cri
Author: mo
ຕາມຂ່າວສານຊີນຮວາ: ການພົວພັນຮ່ວມມືລະຫວ່າງຈີນກັບທະນາຄານໂລກໄດ້ລົງສູ່ລວງເລິກເລື້ອຍໆ, ຈີນໄດ້ປ່ຽນຈາກປະເທດກູ້ເງິນທີ່ໃຫຍ່ກວ່າໝູ່ມາເປັນປະເທດຖືຫຸ້ນແລະຄູ່ຂາຮ່ວມມືຍຸດທະສາດທີ່ສຳຄັນຂອງທະນາຄານໂລກແລ້ວ.
ວັນທີ 17 ມັງກອນ, ຢູ່ທີ່ປັກກິ່ງ, ທ່ານລິຢົງ ຮອງລັດຖະມົນຕີກະຊວງການເງິນຈີນເວົ້າວ່າ, ໃນ 25 ປີທີ່ຜ່ານມາ, ນັບລວມແລ້ວ, ທະນາຄານໂລກໄດ້ປ່ອຍເງິນກູ້ປະມານ 40 ຕື້ໂດລາສະຫະລັດໃຫ້ຈີນ. ຈີນແມ່ນປະເທດທີ່ມີໂຄງການກູ້ເງິນຈາກທະນາຄານໂລກຫລາຍກວ່າໝູ່ໃນປະຈຸບັນ, ແລະກໍແມ່ນປະເທດໜຶ່ງທີ່ປະຕິບັດໂຄງການໄດ້ດີກວ່າໝູ່. ຄຽງຄູ່ກັບເສດຖະກິດຈີນເຕີບໂຕຢ່າງບໍ່ຢຸດຢັ້ງ, ທະນາຄານໂລກໄດ້ເຊົາປ່ອຍເງິນກູ້ບູລິມະສິດແກ່ຈີນແລ້ວ. ຈີນກໍເລີ່ມໃຫ້ຄວາມຊ່ອຍເຫຼືອແກ່ປະເທດອື່ນ, ແຕ່ສຳຄັນກວ່ານັ້ນແມ່ນເພື່ອແລກປ່ຽນບົດຮຽນພັດທະນາ.
ທ່ານລີຢົງເວົ້າວ່າ, ທະນາຄານໂລກໄດ້ກາຍເປັນປ່ອງຢ້ຽມທີ່ຈີນນຳເຂົ້າບົດຮຽນກ້າວໜ້າແລະທັດສະນະຄະຕິແຫ່ງການພັດທະນາຂອງໂລກ. ນັບມາຮອດປັດຈຸບັນ, ທະນາຄານໂລກໄດ້ສະໜອງບົດບັນທຶກເສດຖະກິດແຫ່ງຊາດ 11 ສະບັບແກ່ຈີນແລ້ວ, ອັນໄດ້ປະກອບສ່ວນຢ່າງຕັ້ງໜ້າເຂົ້າໃນການປະຕິຮູບຂອງຈີນ.
|
|
|
