ຕາມ​ຂ່າວສານ​ຊິນ​ຮວາ:ຕອນ​ຄ່ຳ​ວັນ​ທີ28​ພະ​ຈິກ,​ຢູ່ຮາ​ບິນ​​ເມືອງ​ພາກ​ຕາ​ເວັນອອກ​ສຽງ​ເໜືອ​ຂອງ​ຈີນ,​ເຈົ້າ​ໜ້າ​ທີ່​ອະນຸລັກ​ສິ່ງ​ແວດ​ລ້ອມ​ຂອງຈີນ​​​ແລະ​ຣັດ​ເຊຍ​ໄດ້​ເຈລະຈາ​ກັນ​ກ່ຽວ​ກັບ​ຜົນ​ສະ​ທ້ອນ​ຂອງ​ເຫດ​ການ​​ເຊື່ອມ​ພິດ​ຂອງແມ່​ນ້ຳ​ຊົ່ງຮວ່າ​ທີ່ມີ​ຕໍ່​ແມ່ນ້ຳ​ເຮ່​ລົງ​ແມ່​ນ້ຳ​ຊາຍ​ແດນ​ລະຫວ່າງ​ຈີນ​ກັບ​ຣັດ​ເຊຍ​,ສອງ​ປະ​ເທດ​ຮ່ວມ​ມືຕິດ​ຕາມ​ວັດ​ແທກ​ຄຸນ​ນະພາ​ບນ້ຳ​ຂອງແມ່​ນ້ຳ​ຊາຍ​ແດນ​​ແລະ​ເລື່ອ​ງອື່ນໆ.

ທ່ານ​ຈ່າງ​ລີ້​ຈຸ່ນ ຮອງ​ຫົວໜ້າ​ກົມ​ໃຫຍ່​ອະນຸລັກ​ສິ່ງ​ແວດ​ລ້ອມ​ແຫ່ງ​ຊາດ​ຈີນ​ໄດ້​ຂໍ​ອະ​ໄພ​ດ້ວຍ​ຄວາມ​ຈິງ​ໃຈ​ຕໍ່​ຜົນ​ສະທ້ອນ​ຂອງ​ເຫດ​ການ​ເຊື່ອມ​ພິດ​ທີ່​ມີ​ຕໍ່ຝ່າຍ​ຣັດ​ເຊຍ,​ແລະ​ໄດ້​​ແຈ້ງ​ສະພາບ​ເຊື່ອມ​ພິດ​ຂອງ​ແມ່​ນ້ຳ​ຊົ່ງຮວ່າ​ໃຫ້​ຝ່າຍ​ລັດ​ເຊຍ​ຊາບ ຢ່າງ​ລະອຽດ​.ທ່ານ​ເວົ້າ​ວ່າ,ຝ່າຍ​ຈີນ​ຈະ​ແຈ້ງ​ຜົນ​ການຕິດ​ຕາມ​ວັດ​ແທກ​ຄຸນ​ນະ​ພາບ​ນ້ຳຂອງແມ່​ນ້ຳ​ຊົ່ງຮວ່າ​ໃຫ້​ຝ່າຍ​ຣັດ​ເຊຍ​ຊາບ​ຢ່າງ​ທັນ​ການ​ແລະຖືກ​ຄຕ້ອງ.

ທ່ານ​ດານ​ຈິ​ວຄ໌ ຫົວ​ໜ້າ​ພະ​ແນ​ກ​ອະນຸລັກ​ສິ່ງ​ແວດ​ລ້ອມ​ ​ເຂດ​ຊາຍແດນ​​ຄາ​ບາ​ຣົຟສ​ຄ໌ຂອງ​ກະ​ຊວງ​ຊັບພະ​ຍາກອນ​ທຳ​ມະ​ຊາດ​ສະຫະ​ພັນ​ຣັດ​ເຊຍ​ໄດ້​ແນະນຳ​ມາດ​ຕະການ​ຮັບ​ມື​ຕໍ​ເຫດການ​ເຊື່ອມ​ພິດ​ເທື່ອ​ນີ້​ຂອງ​ເຂດ​ຊາຍຊາຍ​ແດນ​ຄາ​ບາ​ຣົຟສ​ຄ໌ໃຫ້​ຝ່າຍຈີນ​ຊາບ.ທ່ານ​ເວົ້າ​ວ່າ,​ເມື່ອ​ສອງ​ຝ່າຍ​ພ້ອມ​ກັນ​ພະຍາ​ຍາມ​ແລ້ວ​ກໍ​ຈະ​ໄດ້ແກ້​ໄຂ​ບັນ​ຫາ​ຢ່າງ​ເໝາະ​ສົມ.