ຕາມ​ຂ່າວCRI ,ວັນ​ທີ 8 ຕຸລາແມ່ນ​ວັນ​ໂລກ​ທີ່​ເອົາ​ໃຈ​ໃສ່​ຜູ່​ຈະ​ຕາຍ​ຄັ້ງທຳ​ອິດ.ຜູ່​ຕາງຫນ້າ 100ກວ່າ​ຄົນ​ທີ່​ມາ​ຈາກອົງການ​ປິ່ນປົວ​ສາທາລະນະ​ສຸກ​ແລະ​ອົງການ​ຈັດ​ຕັ້ງ​ມ​ວນຊົນ​ທີ່​ກ່ຽວຂ້ອງ​ຂອງ​ຈີນ​ໄດ້​ຈັດການ​ເຄື່ອນ​ໄຫວ​ຢູ່​ທີ່​ປັກ​ກິ່ງ,ຮຽກຮ້ອງ​ໃຫ້​ວົງ​ການ​ຕ່າງໆ​ຂອງ​ສັງ​ຄົມຈົ່ງ​ເອົາ​ໃຈ​ໃສ່​ຜູ່​ຈະ​ຕາຍ​.
  ຕາມ​ແນະນຳ​ວ່າ,​ເມື່ອ​ປຽບທຽບ​​ກັບປະ​ເທດ​ພັດທະນາ​ຂອງ​ຝ່າຍ​ຕາ​ເວັນ​ຕົກ​ແລະວຽກ​ງານ​ເອົາ​ໃຈ​ໃສ່​ຜູ່​ຈະ​ຕາຍ​ຢູ່​ຈີນຈະ​ຊັກຊ້າກວ່າ.ຄຽງ​ຄູ່​ກັບປະຊາ​ຊອນ​ຈີນທີ່​ມີ​ອາຍຸ​ສູງ​ເພີ່ມ​ຫຼາຍ​ຂຶ້ນ​,​ໃນ​ຫຼາຍ​ປີ​ມາ​ນີ້,ຄົນ​ທີ່​ນັບ​ມື້​ນັບ​ຫຼາຍ​ໄດ້​ເລີ່​ມ​ເອົາ​ໃຈ​ໃສ່​ຜູ່​ຈະ​ຕາຍ,ອົງການ​ຈັດ​ຕັ້ງ​ທີ່​ເອົາ​ໃຈ​ໃສ່​ຜູ່​ຈະ​ຕາຍ​ຊະນິດ​ຕ່າງໆ​ແລະ​ໂຮງ​ບົວລະບັດ​ຄົນ​ໄວ​ຊະລາ​ເປັນ​ຕົ້ນ​ໄດ້​ເພີ່ມ​ຫຼາຍຂຶ້ນ​ຢ່າງ​ວ່ອງ​ໄວ,ປະຈຸ​ບັນ,ອົງການ​ຈັດ​ຕັ້ງ​​ທີ່​ເອົາ​ໃຈ​ໃສ່​ຜູ່​ຈະ​ຕາຍ​ຊະນິດ​ຕ່າງໆ​ໃນ​ທົ່ວ​ປະ​ເທດ​ມີ​ປະ​ມານ 100 ​ແຫ່ງ.

   ຕາມ​ຊາບ​ວ່າ,ການຕັ້ງ​ວັນ​ໂລກ​ທີ່ເອົາ​ໃຈ​ໃສ່​ຜູ່​ຈະ​ຕາຍມີ​ຈຸດປະສົງ​ຍົກ​ຄວາມ​ຮັບ​ຮູ້ຂອງມວນ​ຊົນ​ບັນດາ​ປະ​ເທດ​ໃນ​ໂລກ​ໃນ​ຄວາມ​ຕ້ອງການ​ຂອງ​ການ​ປິ່ນ​ປົວ ຊີວິດ​ການ​ເປັນ​ຢູ່​ແລະ​ຈິດ​ໃຈ​ເປັນ​ຕົ້ນ​ຂອງ​ຄົນ​ປ່ວຍທີ່ຢູ່​ໃນ​ໄລຍະ​ສຸ​ດທ້າຍ​ຂອງ​ພະຍາດ​ໃຫ້​ສູງ​ຂຶ້ນ,​ເຮັດ​ໃຫ້​ຄົນ​ປ່ວຍ​ໄດ້​ມີ​ການ​ຮັບປະກັນຄຸນ​ນະພາ​ບດ້ານຊີວິດ​ການ​ເປັນ​ຢູ່​ໃນ​ໄລຍະ​ສຸດ​ທ້າຍ​ຂອງ​ຊີວິດ