ຕາມ​ຂ່າວ​ຈາກ​ຫນັງສືພິມ​ຢຸນນານ​ລາຍ​ວັນ​ລາຍ​ງານ​ວ່າ  ສະຖິຕິ​ໃຫມ່​ສຸດສະ​ແດງ​ໃຫ້​ເຫັນ​ວ່າ  ​ໃນ 5 ​ເດືອນ​ຕົ້ນ​ປີ​ນີ້ ມູນ​ຄ່າ​ການ​ຄ້າ​ສອງ​ຕໍ່​ສອງ​ລະຫວ່າງ​ແຂວງ​ຢຸນນານ​ກັບ 5 ປະ​ເທດ​ລ້ອງ​ແມ່​ນ້ຳ​ຂອງ​ໄດ້​ມີ​ເຖິງ 530 ລ້ານ​ໂດ​ລາ​ສະຫະລັດ ​  ​ເພີ່ມ​ຂຶ້ນ​ຫຼາຍ​ກວ່າ​ເວລາ​ດຽວ​ກັນ​ໃນ​ປີ​ກາຍ 32,2%

 ຫຼັງ​ຈາກ​ກອງ​ປະຊຸມ​ຜູ່​ນຳ​ຄັ້ງ​ທຳ​ອິດ​ຂອງ​ການ​ຮ່ວມ​ມື​ເສດຖະກິດອະນຸ​ພາກ​ພື້ນ​ແມ່​ນ້ຳຂອງ​ຄືGMS ໃນປີ 2002 ​ແລ້ວ    ມູນ​ຄ່າ​ການ​ຄ້າ​ລະຫວ່າງ​ແຂວງ​ຢຸນນານ​ກັບ 5 ປະ​ເທດ​ລ້ອ​ງ​ແມ່​ນ້ຳ​ລ້ານຊ້າງ--​ແມ່​ນ້ຳຂອງ​ຄື ກຳປູ​ເຈຍ​ ລາວ  ມຽນມາ  ​ໄທ​ແລະ​ຫວຽດນາມ​ໄດ້​ຈາກ 570 ລ້ານ​ໂດ​ລາ​ສະຫະລັດ​ໃນ​ປີ 2001 ​ເພີ່ມ​ຂຶ້ນ​ຮອດ 1 ຕື້ 50 ລ້ານ​ໂດລາ​ສະຫະລັດ​ໃນ​ປີ 2004    ມູນ​ຄ່າ​ການ​ຄ້າ​​ໄດ້​ເພີ່ມຂຶ້ນ 1 ​ເທົ່າ​ພາຍ​ໃນ 3 ປີ     ອະນຸ​ພາກ​ພື້ນ​ແມ່​ນ້ຳຂອງ​ໄດ້ຄ່ອຍໆ​ກາຍ​ເປັນ​ຕະຫຼາດ​ຕ່າງປະ​ເທດ​ທີ່​ໃຫຍ່​ກວ່າ​ຫມູ່​ແລະ​ສຳຄັນ​ກວ່າຫມູ່​​ຂອງ​ແຂວງ ຢຸນນານ​