ຕາມ​ຂ່າວcri ວັນ​ທີ 1 ມີນາ ​ໃນ​ງານ​ຊຸມນຸມ​ນັກ​ຂ່າວ​ທີ່​ຈັດ​ຂຶ້ນ​ເປັນ​ປະຈຳຢູ່​ທີ່​ປັກ​ກິ່ງ  ​ທ່ານ​ລິວ​ຈ້ຽນຊາວ ​ໂຄສົກ​ກະຊວງ​ການ​ຕ່າງປະ​ເທດ​ຈີນ​ກ່າວ​ວ່າ,ຝ່າຍ​ຈີນ​ຫວັງ​ໃຫ້​ບັນດາ​ຝ່າຍທີ່​ກ່ຽວຂ້ອງ​ສະ​ແດງຄວາມ​ຈິງ​ໃຈ​ແລະ​ຄວາມ ຄ່ອງ​ແຄ້ວ​​ແທ້​ຈິງ,ຊຸກຍູ້​ໃຫ້ຟື້ນຟູການ​ເຈລະຈາ 6 ຝ່າຍກ່ຽວ​ກັບ​ບັນຫາ​ນິວ​ເຄຼຍ​ແຫຼມ​ເກົາຫຼີໂດ​ຍ​ໄວ

ຕາມ​ທ່ານ​ລິວ​ຈ້ຽນຊາວ​ສະ​ເຫ​ນີວ່າ, ຫວ່າງ​ມໍ່ໆ​ນີ້ ​ໃນ​ເວລາທ່ານ​ກິມ​ເຈີງອິນ ຜູ່​ນຳ​ສູງ​ສຸດສ.ປ.ປ​ເກົາຫຼີພົບ​ປ​ະທ່ານ​ວາງ​ເຈ່ຍຢຸ້ຍ ຫົວຫນ້າ​ຄະນະ​ພົວພັນ​ກັບ​ຕ່າງປະ​ເທດ​ຂອງສູນ​ກາງ​ພັກ​ກອມ​ມູນິດ​ຈີນ​ທີ່​ໄປຢ້ຽມ​ຢາມ​ນັ້ນ, ທ່ານກິມ​ເຈິ​ງອິນ​ໄດ້​ບັນ​ລະ​ຍາຍ​ຫຼັກ​ຫມັ້ນ 4 ຂໍ້​ຂອງຝ່າຍ​ສ.ປ.ປ​ເກົາຫຼີ​ໃນ​ບັນຫາ​ນິວ​ເຄຼຍ​ແຫຼມ​ເກົາຫຼີຄື:ຫນຶ່ງ​ແມ່ນ​ຝ່າຍ​ສ.ປ.ປ​ເກົາຫຼີ​ຍຶດຫມັ້ນ​ໃຫ້​ແຫຼມ​ເກົາຫຼີ​ປອດ​ນິວ​ເຄຼຍ ຍຶດຫມັ້ນ​ຜ່ານຈາກ​ການ​ສົນທະນາ​ກັນ​ແກ້​ໄຂ​ບັນຫາ​ນິວ​ເຄຼຍດ້ວຍ​ສັນຕິ​ວິທີ:ສອງ​ແມ່ນ​ຝ່າຍ​ສ.ປ.ປ​ເກົາຫຼີ​ບໍ່​ເຄີຍ​ຄັດຄ້ານ​ການ​ເຈລະຈາ 6 ຝ່າຍ​ຈັກ​ເທື່ອ,​ແລະບໍ່​​ໄດ້​ວ່າ​ຈະຖອນ​ຕົວ​ອອກ​ຈາກ​ການ​ເຈລະຈາ 6 ຝ່າຍ
ສາມ ຖ້າບັນດາ​ຝ່າຍ​ທີ່​ກ່ຽວຂ້ອງທຳ​ຄວາມ​ພະຍາຍາມການ​ເຈລະຈາ 6 ຝ່າຍ​ຮອບ​ສີ່​ມີ​ເງື່ອນ​ໄຂ​ພຽບພ້ອມ ແລ້ວ,ຝ່າຍສ.ປ.ປ​ເກົາຫຼີກໍີ​ກຽມ​ກັບ​ຄືນສູ່​ໂຕະ​ເຈລະຈາ​ຢູ່​ທຸກ​ເວລາ,ສີ່​ແມ່ນ​ຫວັງ​ໃຫ້​ບັນດາ​ຝ່າຍ​ທີ່​ກ່ຽວ​ຂ້ອງຂອງການ​​ເຈລະຈາ 6 ຝ່າຍ​​ສະ​ແດງ​ຄວາມ​ຈິງ​ໃຈ

ທ່ານ​ລິວ​ຈ້ຽນຊາວ​ກ່າວ​ລຶ້ມວ່າ ບັນຫາ​ນິວ​ເຄຼຍຂອງ​ແຫຼມ​ເກົາຫຼີ​ມີ​ແຕ່​ແກ້​ໄຂ​ຢູ່​ໃນ​ຂອບຂອງ​ການ​ເຈລະຈາ 6 ຝ່າຍຈຶ່ງ​ຈະ​ໄດ້,ຈຸດປະສົງ​ກົກ​ຮາກຂອງການ​ເຈລະຈາ​ກໍ່​ແມ່ນ​ເພື່ອ​ເຮັດ​ໃຫ້​ແຫຼມ​ເກົາຫຼີ​ປອດ​ນິວ​ເຄຼຍ ​​ເຮັດ​ໃຫ້​ແຫຼມ​ເກົາຫຼີ​ມີ​ສັນຕິ​ພາບ​ແລະ​ສະຖຽນ​ລະ​ພາບ​ຍາວນານ