ຫວຽດນາມພົບ​ຜູ່ເປັນພະຍາດ​ໄຂ້ຫວັດ​ໃຫຍ່​ສາຍ​ພັນ​ໃໝ່A H1N1ຜູ່​ທຳ​ອິດ

ຕາມ​ຂ່າວCRI:ວັນ​ທີ31 ພຶດສະພາ​ນີ້,ໜັງສືພິມ​ຫວຽດນາມ​ອ້າງ​ອີງ​ຂ່າວ​ຈາກໂຮງໝໍ​ແຫ່ງ​ໜຶ່ງ​ຂອງນະຄອນ​​ໂຮ​ຈິ​ມິນວ່າ,​ໂຮງ​ໝໍ​ແຫ່ງ​ນີ້​ລາຍ​ງານວ່າ​ມີ​ຜູ່​​ໜຶ່ງເປັນ​ພະຍາດ​ໄຂ້ຫວັດ​ໃຫຍ່​ສາຍ​ພັນ​ໃໝ່ A H1N1.ນີ້​ແມ່ນ​ຜູ່​ທຳ​ອິດ​ທີ່ເປັນ​ພະຍາດນີ້.ຜູ່​ກ່ຽວແມ່ນ​ນັກຮຽນ​ຫວຽດນາມ​ທີ່​ຮຽນ​ຢູ່​ອາ​ເມ​ລິ​ກາ,​ແລະຫາ​ກໍ່​ກັບມາ​ຈາກ​ອາ​ເມ​ລິ​ກາ.

ນອກ​ນີ້,ວັນ​ທີ30 ພຶດສະພາ​ນີ້,ກະຊວງ​ສາທາລະນະ​ສຸກ​ໄຊ​ປຼັດກໍ່ປະກາດ​ວ່າ​ພົບ​ຜູ່ເປັນ​ພະຍາດ​ໄຂ້ຫວັດ​ໃຫຍ່​ສາຍ​ພັນ​ໃໝ່ ຜູ່​ທຳ​ອິດ,ຜູ່​ເປັນ​ພະຍາດ​ແມ່ນ​ຜູ່​ຍິງ​ສັນຊາດ​ຕ່າງປະ​ເທດ​ຜູ່​ໜຶ່ງ​ທີ່​ຫາ​ກໍ່​ກັບ​ຄືນ​ຈາກ​ອາ​ເມ​ລິ​ກາ.

ມາຮອດ​ເວລາ14​ໂມງ​ວັນ​ທີ31 ພຶ​ດສະພາ​ນີ້​ເວລາ​ປັກ​ກິ່ງ,ອົງການ​ອະນາ​ໄມ​ໂລກ​ໄດ້​ຢືນຢັນ​ວ່າມີ54ປະ​ເທດ​ແລະ​ພາກ​ພື້ນ​ທົ່ວ​ໂລກ​ທັງ​ໝົດ​ມີ​ຜູ່​ທີ່​ຖືກ​ຢັ້ງຢືນ​ເປັນ​​ພະຍາດ​ໄຂ້ຫວັດ​ໃຫຍ່​ສາ​ພັນ​ໃໝ່ 1ໝື່ນ5ພັນ510ຄົນ,​ໃນ​ນັ້ນ​​ເສຍ​ຊີວິດ​ໄປ​ແລ້ວ99ຄົນ.