ໄທຈະ​ປ້ອງກັນພະຍາດ​ໄຂ້ຫວັດ​ໃຫຍ່ A H1N1​ໃນ​ໄລຍະງານແຂ່ງ​ຂັນ​ຊະນະ​ເລີດຍົກ​ນ້ຳໜັກ​ຊາວໜຸ່ມ​ໂລກ

ຕາມ​ຂ່າວcri:ວັນ​ທີ13 ພຶດສະພາ​ນີ້,​ເຈົ້າ​ໜ້າ​ທີ່​ກະຊວງ​ສາທາລະນະ​ສຸກ​ໄທ​ກ່າວ​ວ່າ,​ໃນ​ໄລ​ຍະຈັດ​ການ​ແຂ່ງຂັນ​ຊະນະ​ເລີດ​ຍົກ​ນ້ຳໜັກຊາວໜຸ່ມ​ໂລກ​ຈັດ​ຂຶ້ນ​ຢູ່​ໄທ, ໄທ​ຈະ​ໃຊ້​ມາດ​ຕະການ​ປ້ອງ​ກັນບໍ່​ໃຫ້​ພະຍາດ​ໄຂ້ຫວັດ​ໃຫຍ່​ສາຍ​ພັນ​ໃໝ່ A H1N1​​ແຜ່​ລະບາດ​ເຂົ້າ​ສູ່​ໄທ.

ຫົວໜ້າ​ກົມ​ຄວບ​ຄຸມພະ​ຍາດ​ຂອງ​ກະຊວງ​ສາທາລະນະ​ສຸກ​ໄທ​ກ່າວ​ວ່າ,ນັກ​ກິລາ​ຕ່າງປະ​ເທດ​ແລະ​ພະນັກງານ​ທີ່​ຕິດຕາມ​ລ້ວນ​ແຕ່​ຕ້ອງ​ໄດ້ວັດ​ແທກ​ອຸນຫະພູມ​ ​ຮ່າງກາຍຢູ່​ສະໜາມ​ບິນ,​ແລະ​ຂຽນຟອມ​ລາຍ​ງານ​ສຸຂະພາບ.ນັກ​ກິລາ​ແລະ​ພະນັກງານ​ຕໍ່​ຕິດຕາມ​ທີ່​ມາ​ຈາກ​ປະ​ເທດ​ທີ່​ມີອາການ​ພະຍາດ​ອ່າວ​ໜັກ​ຄື​​​ແມັກ​ຊິກ,ອາ​ເມ​ລິ​ກາ,ກາ​ນາ​ດາ,ອັງກິດ​ແລະ​ແອ​ສປາຍ,ຈະ​ບໍ່​ຢູ່​ຮ່ວມກັນ​ກັບທີ​ມ​​ປະ​ເທດ​ອື່ນໆ.ນອກ​ນີ້,​ແຕ່ລະຄົນທີ່​ເຂົ້າ​ຮ່ວມ​ການ​ແຂ່ງຂັນ​ຕ້ອງ​ໄດ້​ຮັບ​ການ​ກວດກາ​ສຸຂະພາບ​ໃນ​ຕອນ​ເຊົ້າ​ທຸກມື້.