ການ​ທາວ​ຫາກອບ​ກູ້​ເຮືອ​ຈົມຢູ່​ນ້ຳ​ຊູ​ລາ​ເວ​ຊີ​ຂອງ​ອິນ​ໂດ​ເນ​ເຊຍ​ໄດ້​ສິ້ນ​ສຸດ​ລົງ

ຕາມ​ຂ່າວສານ​ຊິນ​ຮວາ​:ຕອນ​ຄ່ຳ​ວັນ​ທີ20 ມັງກອນ​ນີ້,ການທາວ​ຫາກອບ​ກູ້​ເຮືອ​ຈົມ​ຂອງ​ອິນ​ໂດ​​ເນ​​ເຊຍ​ຢູ່​ເຂດ​ທະ​ເລ​ໃກ້​ມາ​ເຈ​ເນ​ເກາະ​ຊູ​ລາ​ເວ​ຊີ​ໄດ້​ສິ້ນ​ສຸດ​ລົງ​​ແລ້ວ.​ເຈົ້າ​ໜ້າ​ທີ່​ກອງ​ກອບ​ກູ້ຊູ​ລາ​ເວ​ຊີ​ໃຕ້​ປະກາດ​ວ່າ,ກອງ​ກອບ​ກູ້​​ແລະຊາວ​ຫາ​ປາ​ທ້ອງ​ຖິ່ນ​ໄດ້​ກອບ​ກູ້​ເອົາ35ຄົນລວມທັງ​ນາຍ​ເຮືອ,​ຊອກຫາ​ສົບ​ຜູ່​ເສຍ​ຊີວິດ​ໄດ້9ຄົນ.

ຕອນ​ເຊົ້າ​ວັນ​ທີ11 ມັງກອນ​ນີ້,ເຮືອ​ບັກລຳ​ໜຶ່ງທີ່​ແລ່ນ​ຈາກ​ເກາະ​ຊູ​ລາ​ເວ​ຊີ​​ໄປ​ຫາ​ຊຳ​ມະ​ລິນ​ດາແຂວງ​ກາລີ​ມັນ​ຕັນ​ໃຕ້​ໄດ້​ປະສົບລົມພາຍຸ​ແລະ​ຈົມ​ນ້ຳ​ຢູ່​ເຂດ​ທະ​ເລ​ໃກ້​ມາ​ເຈ​ເນ.ຕາມ​ລາຍ​ຊື່​ຜູ່​ໂດຍສານ​ເຮືອ​ບັກ,ຢູ່​​ເທິງເຮືອ​ມີຜູ່​ໂດຍສານ250ຄົນ​ແລະ​ລູກ​ເຮືອ17ຄົນ.​ແຕ່​​ໂຄສົກ​ກະຊວງ​ຄົມມະນາຄົມ​ອິນ​ໂດ​ເນ​​ເຊຍກ່າວ​ວ່າ,​ໃນ​ເວລາ​ນັ້ນຢູ່​​ເທິງ​ເຮືອ​ລວມມີ370ຄົນ.

ວັນ​ທີ21 ມັງກອນ​ນີ້​,ສື່​ມວນ​ຊົນ​ອິນ​ໂດ​ເນ​ເຊຍ​ລາຍ​ງານ​​ວ່າ,ຍ້ອນ​ວ່າ​ມີ100ກວ່າ​ຄົນ​ບໍ່​ຢູ່​ໃນ​ບັນຊີ​ລາຍ​ຊື່​ຜູ່​ໂດຍສານ,ສະ​ນັ້ນ​ຈຶ່ງບໍ່​ຮູ້​ວ່າ​ຜູ່ປະສົບ​ໄພ​ມີ​ຈັກ​ຄົນ​ແທ້.