ຈີນ​ອະນຸຍາດ​ເປັນ​ພິ​ເສດ​ໃຫ້ນັກ​ໂທດສ່ວນ​ໜຶ່ງ​ກັບ​ບ້ານ​ຢາມ​ພີ່ນ້ອງ​ທີ່​ປະສົບ​ໄພ​​ແຜ່ນດິນ​ໄຫວ

ຕາມ​ຂ່າວສານ​ຊີ​ນຮວາ:ລັດຖະບານ​ຈີນ​ອະນຸຍາດ​ເປັນພິ​ເສດ​ໃຫ້​ນັກ​ໂທດສ່ວນ​ໜຶ່ງ​ກັບ​ບ້ານ​ເພື່ອ​ຢາມ​ພີ່ນ້ອງ​ທີ່​ປະສົບ​ໄພ​ແຜ່ນດິນ​ໄຫວ.

ວັນ​ທີ 14 ມິຖຸນາ​ນີ້,ອົງການ​ປົກຄອງ​ເມືອງ​ກວາງ​ຢວນ​ແຂວງ​ເສ​ສວນ​ໄດ້​ອະນຸຍາດ​ເປັນ​ພິ​ເສດ​ໃຫ້​ນັກ​ໂທດ 10 ຄົນ​ທີ່​ພວມ​ຖືກ​ຕັດ​ອິດສະຫຼະພາບ​ຢູ່​ເມືອງ​ກວາງ​ຢວນອອກ​ຈາກ​ຄຸກ,ກັບ​ບ້ານ​ທີ່ຢູ່​ເຂດ​ປະສົບ​ໄພຢ່າງ​ໜັກໜ່ວງ,​ເພື່ອ​ຢາມ​ພີ່ນ້ອງ.ຕອນ​ທ່ຽງ​ວັນ​ທີ 16 ມິຖຸນາ​ນີ້,ນັກ​ໂທດ​​ເຫຼົ່າ​ນີ້ໄດ້​ສິ້ນ​ສຸດ​ການ​ຢາມ​ບ້ານ,ກັບ​ຄືນ​ຄຸກ​ຢ່າງ​ປອດ​ໄພ.

ປະຈຸ​ບັນ,ຄຸກ​ແຫ່ງ​ຕ່າງໆ​ຂອງ​ແຂວງ​ເສ​ສວນ​ລ້ວນ​ແຕ່​ພວມ​ຈັດ​ຕັ້ງ​ນັກ​ໂທດທີ່ຖືກ​ຕາມຂໍ້​ກຳນົດ​ໃນ​ກົດໝາຍ​ວ່າ​ດ້ວຍ​ຄຸກ ຖືກ​ຕັດ​ອິດສະຫຼະພາບ​ເກີນ​ໄລຍະ​​ເຄິ່ງໜຶ່ງ ມີ​ການ​ສະ​ແດງ​ທີ່​ດີແລະ​ຄອບຄົວ​ປະສົບ​ຄວາມ​ເສຍ​ຫາຍ​ຢ່າງ​ໜັກໜ່ວງ​ໃນ​ໄພແຜ່ນດິນ​ໄຫວນັ້ນ​ອອກ​ຈາກ​ຄຸກ​ໄປ​ຢາມ​ບ້ານ.