ກິດ​ຈະ​ກຳ "ສັບ​ປະ​ດາ​ແລກ​ປ່ຽນ​ການ​ສຶກ​ສາ​ຈີນ​ອາ​ຊຽນ" ຈະ​ຈັດ​ຂຶ້ນ​ຢູ່​ນະ​ຄອນ​ກຸ້ຍ​ຢາງ​ຈີນ

ຕາມ​ຂ່າວສານ​ຊິ່ນຮວາ: ​ເພື່ອ​ສ້າງ​ເວທີ​​ແລກ​ປ່ຽນ​ການ​ສຶກສາລະ​ຫວ່າງ​ແຫ່ງ​ຕ່າງໆ​ຂອງ​ຈີນ ​ເຊັ່ນ​ເຂດ​ແຂວງ​ຕ່າງໆ​ຢູ່ພາກ​ຕາ​ເວັນ​ຕົກສຽງ​ໃຕ້​ເປັນ​ຕົ້ນ​ກັບປະ​ເທດ​ອາຊຽນ, ກິດຈະກຳ "ສັບປະດາ​ແລກປ່ຽນ​ການ​ສຶກສາ​ຈີນ​ອາຊຽນ" ທີ່​ຈັດ​ໂດຍ​ກະຊວງ​ການ​ຕ່າງປະ​ເທດ​, ກະຊວງ​ສຶກສາ​ທິການ​ຂອງ​ຈີນ​ແລະ​ອົງ​ການ​ປົກຄອງ​ແຂວງ​ກຸ້ຍ​ໂຈ່​ວນັ້ນຈະ​ຈັດ​ຂຶ້ນ​​ແຕ່​ວັນ​ທີ 26 ກໍລະກົດ​ຫາ​ວັນ​ທີ 1 ສິງຫາ​ປີນີ້.

ເນື້ອໃນ​ກິດຈະກຳ​ຕົ້ນຕໍ​ລວມທັງ: ​ເວທີ​ປາ​ໄສອະ​ທິການ​ບໍດີ​ມະຫາ​ວິທະຍາ​ໄລ​ຈີນ​ແລະ​ປະ​ເທດ​ອາຊຽນ​ແລະເວທີ​ປາ​ໄສ​ແລກ​ປ່ຽນ​ນັກຮຽນນັກ​ສຶກສາ​ສາກົນ, ກອງ​ປະຊຸມ​​ໂຕະມົນ​ກ່ຽວ​ກັບ​ການ​ຮ່ວມ​ມື​ລະຫວ່າງ​ມະຫາ​ວິ​ທະຍາ​​ໄລ​ຈີນ​ແລະ​ອາຊຽນ, ງານ​ວາງ​ສະ​ແດງ​ການ​ສຶກສາ​ປະ​ເທດ​ອາຊ​ຽນ, ງານ​ວາງສະ​ແດງ​ຊັບພະ​ຍາກ​ອນການ​ສຶກສາ​ຈີນ, ຄ້າຍ​ພັກ​ແຮມ​ລະດູ​ຮ້ອນ​ຊາວໜຸ່ມ​ເຍົາ​ວະ​ຊົນ​ຈີນ​ອາຊຽນ​ແລະ​ງານ​ສິລະ​ປະ​ຊາວໜຸ່ມ​ເຍົາວະ​ຊົນ​ຈີນອາຊຽນ​.