|
|
 |
| (GMT+08:00)
2008-05-23 17:43:01
|
 |
|
ເລຂາທິການໃຫຍ່ສະຫະປະຊາຊາດເຈລະຈາກັບຜູ້ນຳມຽນມາ
cri
ຕາມຂ່າວ CRI: ວັນທີ 23 ພຶດສະພານີ້, ທ່ານບານກີມຸນ ເລຂາທິການໃຫຍ່ອົງການສະຫະປະຊາຊາດໄດ້ຈັດການເຈລະຈາແບບພາຍໃນກັບພົນເອກທັນສະເວ ຜູ້ນມຽນມາຢູ່ເນປີດໍ ນະຄອນຫຼວງໃໝ່ຂອງມຽນມາ.
ທ່ານບານກີມຸນໄດ້ເດີນທາງຮອດຢາງກຸງໃນຕອນເຊົ້າວັນທີ 22 ພຶດສະພານີ້, ເພື່ອປະສານວຽກງານກູ້ໄພສາກົນຕໍ່ປະຊາຊົນທີ່ປະສົບໄພລົມພາຍຸໃນມຽນມາ. ປະຈຸບັນ, ທ່ານບານກີມຸນໄດ້ພົບປະເຈລະຈາກັບພົນເອກເທນເຊນ ນາຍົກລັດຖະມົນຕີມຽນມາ, ແລະໄດ້ພົບປະກັບຜູ້ແທນຂອງສະພາກາແດງມຽນມາແລະອົງການອື່ນໆທີ່ບໍ່ແມ່ນລັດຖະບານ. ທ່ານຍັງໄດ້ຂີ່ຍົນເຮລີກົບແຕໄປສຳຫຼວດສະພາບການປະສົບໄພຢູ່ເຂດສາມຫຼ່ຽມປາກແມ່ນ້ຳເອຣາວະດີທີ່ປະສົບໄພຮ້າຍແຮງກວ່າໝູ່.
ກ່ອນໜ້ານີ້, ໃນເວລາຕໍ່ຍົນຢູ່ສະໜາມບິນບາງກອກຂອງໄທ, ທ່ານບານກີມຸນກ່າວວ່າ, ປະຈຸບັນ, ສະພາບການປະສົບໄພຂອງມຽນມາພວມຢູ່ໃນໄລຍະຂ້ຽວຂາດທີ່ສຸດ, ສະຫະປະຊາຊາດຈະຮ່ວມມືຢ່າງສະໜິດແໜ້ນກັບອາຊຽນແລະລັດຖະບານມຽນມາ, ຮັບປະກັນໃຫ້ວຽກງານກູ້ໄພສາມາດດຳເນີນໄປຢ່າງສະດວກແລະບັງເກີດຜົນ.
|
|
|
