|
ການກູ້ໄພແຜ່ນດິນໄຫວຈີນເຂົ້າໃນໝົດທຸກບ້ານຢ່າງຮອບດ້ານ
cri
ຕາມຂ່າວສານຊິ່ນຮວາ: ໜ່ວຍກູ້ໄພນ້ອຍທີ່ກອງທະຫານກູ້ໄພແຜ່ນດິນໄຫວຈີນສົ່ງອອກນັ້ນໄດ້ໄປຮອດ 405 ບ້ານຂອງ 40 ເຂດແລະຕາແສງທີ່ປະສົບໄພຮ້າຍແຮງຂອງແຂວງເສສວນເພື່ອກູ້ໄພ.
ໃນໄລຍະຊີ້ນຳວຽກງານກູ້ໄພແຜ່ນດິນໄຫວຢູ່ເຂດປະສົບໄພຂອງແຂວງເສສວນ, ທ່ານຫູຈີນທາວ ປະທານປະເທດຈີນ, ປະທານຄະນະກຳມະການການທະຫານສູນກາງຈີນໄດ້ກ່າວເນັ້ນເທື່ອແລ້ວເທື່ອອີກວ່າ, ທະຫານກູ້ໄພຕ້ອງເຂົ້າສູ່ໝົດທຸກບ້ານໂດຍໄວ, ກວດກາເຮືອນພັງທະລາຍທຸກຫຼັງ, ພະຍາຍາມຊອກຫາກອບກູ້ປະຊາຊົນຢູ່ໃນຊາກອາຄານຢູ່ສຸດຂີດ.
ທະຫານຈີນໄດ້ໃຊ້ຮູບການຕ່າງໆ, ເຊັ່ນ: ຍ່າງ, ຂີ່ລົດແລະຂົນສົ່ງທາງອາກາດເພື່ອເຂົ້າສູ່ບ້ານທີ່ປະສົບໄພເມື່ອທະຫານກູ້ໄພເຂົ້າໃນບ້ານແລ້ວ, ກໍ່ແຈກຢາຍຢາປິ່ນປົວ, ອາຫານແລະນ້ຳບໍລິສຸດໃຫ້ປະຊາຊົນໃນທັນທີ, ແລະໄດ້ດຳເນີນການກອບກູ້ປະຊາຊົນຢູ່ໃນຊາກອາຄານຢ່າງທັນການ.
|
|
