|
|
 |
| (GMT+08:00)
2008-05-17 12:17:48
|
 |
|
ທ່ານປະທານຫູຈີນທາວໄປຢື້ຢາມຖາມຂ່າວປະຊາຊົນທີ່ປະສົບໄພຢູ່ເມືອງໄປຊວນ
cri
ຕາມຂ່າວ cri:ວັນທີ 16 ພຶດສະພານີ້ ພາຍຫລັງໄດ້ໄປຮອດແຂວງເຊສວນແລ້ວ, ທ່ານຫູຈີນທາວ ປະທານປະເທດຈີນໄດ້ຂີ່ລົດໄປເມືອງປົກຄອງຕົນເອງໄປຊວນເຜົ່າຊ່ຽງປົກຄອງຕົນເອງຂອງນະຄອນມຽນຢາງ,ໄປຢາມປະຊາຊົນຜູ່ປະສົບໄພຢູ່ບ່ອນນັ້ນ, ແລະຊີ້ນຳວຽກງານກູ້ໄພ.
ທ່ານຫູຈີນທາວໄດ້ຍ່າງເຂົ້າຕູບຜ້າເຕັ້ນ,ຈັບມືເວົ້າລົມໃຫ້ກຳລັງໃຈແກ່ປະຊາຊົນທີ່ປະສົບໄພ,ຖາມສະພາບປະສົບໄພຂອງເຂົາເຈົ້າແລະຍັງມີຄວາມຫຍຸ້ງຍາກຫຍັງແດ່ໃນດ້ານຊີວິດການເປັນຢູ່.ທ່ານເວົ້າຕໍ່ປະຊາຊົນຢູ່ແຫ່ງນັ້ນວ່າ, ໄພແຜ່ນດິນໄຫວແຮງພິເສດເທື່ອນີ້ໄດ້ທຳລາຍບ້ານເມືອງຂອງພວກເຈົ້າ, ຂ້າພະເຈົ້າກໍຄືກັນກັບພວກເຈົ້າຮູ້ສຶກເສຍດາຍຫລາຍ.ຢູ່ຕໍ່ຫນ້າໄພພິບັດອັນຫນັກຫນ່ວງ, ພວກເຮົາຕ້ອງມີໃຈເຂັ້ມແຂງ,ຕ້ອງມີຄວາມຫມັ້ນໃຈແລະຄວາມກ້າຫານ.ພວກເຮົາຍ່ອມຈະກອບກູ້ປະຊາຊົນຜູ່ປະສົບໄພຢ່າງສຸດຂີດ,ປິ່ນປົວປະຊາຊົນທີ່ຖືກບາດເຈັບຢ່າງສຸດຂີດແນ່ນອນ,ແລະເຮັດໃຫ້ຊີວິດການເປັນຢູ່ຂອງປະຊາຊົນຢູ່ເຂດປະສົບໄພດີຢ່າງສຸດຂີດ,ໃນບາດກ້າວຕໍ່ໄປ,ຍັງຈະຊ່ວຍປະຊາຊົນຟື້ນຟູການຜະລິດແລະສ້າງບ້ານຄືນໃຫມ່ຢ່າງສຸດຂີດ.ຂໍໃຫ້ປະຊາຊົນຢູ່ແຫ່ງນີ້ຈົ່ງຫມັ້ນໃຈ,ພວກເຮົາຍ່ອມຈະຜ່ານຜ່າຄວາມຫຍຸ້ງຍາກໄດ້ຢ່າງແນ່ນອນ.
ຢູ່ບ່ອນກູ້ໄພທີ່ໂຮງຮຽນມັດທະຍົມໄປຊວນ, ທ່ານຫູຈີນທາວໄດ້ພົບປະກັບນາຍແລະພົນທະຫານທີ່ພວມກູ້ໄພ.ທ່ານຫູຈີນທາວກ່າວວ່າ, ປັດຈຸບັນ, ການກູ້ໄພພວມຢູ່ໃນໄລຍະສຳຄັນຂ້ຽວຂາດທີ່ສຸດ,ໂດຍສະເພາະແມ່ນຍັງມີປະຊາຊົນບໍ່ຫນ້ອຍຕ້ອງການກອບກູ້ຊີວິດ.ຂໍໃຫ້ບັນດາສະຫາຍຕ້ອງເສີມຂະຫຍາຍອຸດົມການທີ່ບໍ່ຢ້ານຄວາມອິດເຫມື່ອຍແລະສູ້ຊົນຢ່າງຕໍ່ເນຶ່ອງ, ຜ່ານຜ່າຄວາມຫຍຸ້ງຍາກຕ່າງໆ,ແຂ່ງກັບເວລາ, ພະຍາຍາມຫລຸດຄວາມເສຍຫາຍຍ້ອນໄພພິບັດເທື່ອນີ້ໃຫ້ເຖິງລະດັບຕ່ຳສຸດ.
|
|
|
