|
|
 |
| (GMT+08:00)
2008-03-24 17:20:06
|
 |
|
ຈີນພວມຂ້າມຜ່ານໄປເປັນປະເທດບໍລິໂພກ
cri
Author: cai
ຕາມຂ່າວສານຊີນຮວາ:ວັນທີ 24 ມີນານີ້,ຢູ່ປັກກິ່ງ,ທ່ານຢູກວງໂຈ່ ລັດຖະມົນຕີຊ່ວຍວ່າການກະຊວງການຄ້າຈີນກ່າວວ່າ,ຄຽງຄູ່ກັບ GDP ທີ່ສະເລ່ຍຕາມຫົວຄົນຂອງຈີນລື່ນກາຍ 2000 ໂດລາ,ຈີນພວມຂ້າມຜ່ານໄປເປັນປະເທດບໍລິໂພກ.
ທ່ານຢູກວງໂຈ່ແມ່ນໃຫ້ທັດສະນະດັ່ງກ່າວບົນເວທີປຶກສາຫາລືຊັ້ນສູງກ່ຽວກັບການພັດທະນາຂອງຈີນ.ທ່ານກ່າວວ່າ,ນັບແຕ່ດຳເນີນການປະຕິຮູບແລະໄຂປະຕູສູ່ພາຍນອກເປັນຕົ້ນມາ,ຕະຫຼາດບໍລິໂພກຂອງຈີນໄດ້ພັດທະນາຢ່າງຕໍ່ເນື່ອງແລະວ່ອງໄວ,ການບໍລິໂພກໄດ້ຍົກລະດັບຢ່າງບໍ່ຢຸດຢັ້ງ,ຈີນໄດ້ກາຍເປັນປະເທດໜຶ່ງທີ່ຕະຫຼາດບໍລິໂພກພັດທະນາໄວກວ່າໝູ່ໃນໂລກ.
ປະຈຸບັນ,ຈີນແມ່ນຕະຫຼາດໂທລະສັບມືຖື ຕະຫຼາດທ່ອງທ່ຽວພາຍໃນປະເທດແລະຕະຫຼາດແວັດແບນທີ່ໃຫຍ່ກວ່າໝູ່ໃນໂລກ,ຍັງແມ່ນຕະຫຼາດເຄື່ອງເອ້ຄຳແລະຕະຫຼາດລົດຍົນທີ່ໃຫຍ່ທີສອງ,ຍັງແມ່ນຕະຫຼາດເຄື່ອງຟຸມເຟືອຍແລະຕະຫຼາດການປິ່ນປົວທີ່ໃຫຍ່ທີສາມໃນໂລກ.ປີ 2007,ອັດຕາປະກອບສ່ວນຂອງການບໍລິໂພກໃນການເຕີບໂຕຂອງເສດຖະກິດຈີນໄດ້ຫຼາຍກວ່າການລົງທຶນເປັນຄັ້ງທຳອິດໃນ 7 ປີລຽນຕິດມານີ້.
|
|
|
