|
ຕາມຂ່າວຈາກໜັງສືພິມເຢັນໝິນຢື້ປ້າວຂອງຈີນ: ວັນທີ 6 ທັນວານີ້ ຢູ່ທີ່ປັກກິ່ງ, ທ່ານເຈິ່ງເຜີຍອຽນ ຮອງນາຍົກລັດຖະມົນຕີຈີນກ່າວວ່າ, ຈີນຈະຕັ້ງໜ້າຊອກຫາເສັ້ນທາງພັດທະນາພະລັງງານທີ່ສອດຄ່ອງກັບສະພາບການແຫ່ງຊາດຈີນ.
ໃນກອງປະຊຸມຄົບຄະນະຂອງຄະນະກຳມະການຜູ້ຊ່ຽວຊານໃຫ້ຄຳປຶກສາດ້ານພະລັງງານແຫ່ງຊາດຈີນ ທີ່ຈັດຂຶ້ນໃນມື້ດຽວກັນ, ທ່ານເຈິ່ງເຜີຍອຽນກ່າວວ່າ, ຈີນພວມຢູ່ໃນໄລຍະພັດທະນາເພີ່ມຄວາມໄວຂອງການຫັນເປັນອຸດສາຫະກຳ ແລະຫັນເປັນຕົວເມືອງ, ຄວາມຂັດແຍ່ງລະຫວ່າງຄວາມຕ້ອງການກັບການສະໜອງພະລັງງານ ຄວາມຂັດແຍ່ງໂຄງປະກອບ ແລະຄວາມຂັດແຍ່ງດ້ານຊີວະພາບ ຍັງພົ້ນເດັ່ນຢູ່, ຕ້ອງໃຫ້ຄວາມສຳຄັນໃນລະດັບສູງ, ແກ້ໄຂໃຫ້ຕົກຢ່າງເໝາະສົມ.
ທ່ານຫວັງໃຫ້ຜູ້ຊ່ຽວຊານໃນຄະນະກຳມະການຜູ້ຊ່ຽວຊານໃຫ້ຄຳປຶກສາຫາດ້ານພະລັງງານແຫ່ງຊາດ ຕ້ອງພິຈາລະນາຢ່າງຮອບດ້ານກ່ຽວກັບການພັດທະນາພະລັງງານ ແລະການພັດທະນາເສດຖະກິດສັງຄົມ, ປະກອບຄວາມຄິດຄວາມເຫັນແລະຂໍ້ສະເໜີ ໂດຍແນໃສ່ແກ້ໄຂຄວາມຂັດແຍ່ງແລະບັນຫາອັນພົ້ນເດັ່ນ ໃນການໝູນເດີນພະລັງງານແລະການພັດທະນາໄລຍະຍາວ.
|
