|
ຕາມຂ່າວສານຊິນຮວາ: ວັນທີ 2 ທັນວານີ້ ຢູ່ເມືອງເຢ້ຢາງແຂວງຫູໜານ, ທ່ານນາງອິ້ນຫົງ ຮອງຫົວໜ້າກົມອຸດສາຫະກຳປ່າໄມ້ແຫ່ງຊາດຈີນຊີ້ອອກວ່າ, ຈີນຈະຍົກລະດັບອະນຸລັກແລະຄຸ້ມຄອງດິນທາມໃຫ້ສູງຂຶ້ນ ໂດຍຜ່ານຈາກການເລັ່ງລັດຂະບວນການອະນຸລັກຊີວະນານາພັນຂອງດິນທາມ.
ໃນງານສຳມະນາສາກົນກ່ຽວກັບການອະນຸລັກແລະນຳໃຊ້ດິນທາມແບບຍືນຍົງ ທີ່ຈັດຂຶ້ນໃນມື້ດຽວກັນ, ທ່ານນາງອິ້ນຫົງກ່າວວ່າ, ໃນຫຼາຍປີມານີ້, ລັດຖະບານຈີນໄດ້ຮັບໝາກຜົນອັນພົ້ນເດັ່ນ ໃນການອະນຸລັກຊີວະພາບຂອງດິນທາມ. ໃນທົ່ວປະເທດຈີນ ໄດ້ສ້າງເຂດສະຫງວນທຳມະຊາດປະເພດດິນທາມ 470 ແຫ່ງ, ມີດິນທາມ 30 ກວ່າແຫ່ງຖືກກຳນົດເປັນດິນທາມທີ່ສຳຄັນລະດັບສາກົນ, ຜ່ານຈາກການຈັດຕັ້ງປະຕິບັດໂຄງການອະນຸລັກດິນທາມແລະການປົວແປງຊີວະພາບໃນທົ່ວປະເທດ, ດິນທາມທຳມະຊາດທີ່ເປັນແບບຢ່າງຈຳນວນໜຶ່ງໄດ້ຮັບການອະນຸລັກຢ່າງບັງເກີດຜົນ.
ທ່ານນາງອິ້ນຫົງຊີ້ອອກວ່າ, ລັດຖະບານຈີນຈະຈັດເອົາການອະນຸລັກຊີວະນານາພັນເຂົ້າໃນວຽກງານຂອງພາກສ່ວນກະສິກຳ ພາກສ່ວນອຸດສາຫະກຳປ່າໄມ້ ພາກສ່ວນການປະມົງ ພາກສ່ວນອຸດສາຫະກຳການທ່ອງທ່ຽວ ແລະພາກສ່ວນການຜະລິດອື່ນໆ ຢ່າງບໍ່ຢຸດຢັ້ງ, ແລະກົດລະບຽບການອະນຸລັກດິນທາມແຫ່ງຊາດທີ່ພວມຮ່າງຢູ່.
|
