|
ຜູ້ອຳນວຍການໃຫຍ່ອົງການການຄ້າໂລກກ່າວວ່າ,ມີແຕ່ສຳເລັດການເຈລະຈາຮອບໂດຮາຈຶ່ງສາມາດຮັບມືກັບການທ້າທາຍທີ່ການຄ້າທົ່ວໂລກປະເຊີນໜ້ານັ້ນຢ່າງບັງເກີດຜົນ
cri
Author: shuo
ຕາມຂ່າວສານຊິນຮວາ:ວັນທີ17ສິງຫານີ້,ຢູ່ກົວລາລຳເປີ ນະຄອນຫຼວງມາເລເຊຍ,ໃນເວ ລາກ່າວປາຖະກະຖາໃນກອງປະຊຸມສາກົນກ່ຽວກັບບັນຫາການຄ້າ,ທ່ານປາສ໌ການ ລາມີ ຜູ້ອຳນວຍການໃຫຍ່ອົງການການຄ້າໂລກກ່າວວ່າ,ການຄ້າສາກົນໄດ້ເຕີບໂຕຢ່າງວ່ອງໄວໃນ50ກວ່າປີຜ່ານມາ,ແຕ່ວ່າ,ປະຈຸບັນນີ້,ການຄ້າທົ່ວໂລກພວມປະເຊີນໜ້າກັບຫຼາຍບັນ ຫາ ຄື ລັດທິປົກປ້ອງການຄ້າເງີຍຫົວຂຶ້ນ ເຮັດແນວໃດຈຶ່ງສາມາດຮັບປະກັນໃຫ້ໝົດທຸກຄົນໄດ້ຮັບຜົນປະໂຫຍດຈາກການຄ້າໄດ້ແລະສັນຍາການຄ້າເສລີລະຫວ່າງສອງຝ່າຍແລະຂອງພາກພື້ນທ້າທາຍຕໍ່ກົນໄກການຄ້າຫຼາຍຝ່າຍ.ເພື່ອຮັບປະກັນໃຫ້ເສດຖະກິດໂລກສືບຕໍ່ພັດທະນາໃນສະພາບແວດລ້ອມທີ່ປອດໄສແລະໝັ້ນທ່ຽງ,ລັດຖະບານປະເທດຕ່າງໆຄວນມີຄວາມຕັດສິນໃຈສຳເລັດການເຈລະຈາຮອບໂດຮາຂອງອົງການການຄ້າໂລກ,ນີ້ຈະເຮັດໃຫ້ເສດຖະກິດທົ່ວໂລກໄດ້ຮັບຜົນປະໂຫຍດ.
ໃນເວລາຕອບຄຳຖາມ,ທ່ານລາມີຍັງຮັບປະກັນວ່າຈະໃຫ້ສິດປະກອບຄຳຄິດຄຳເຫັນຫຼາຍ ກວ່າເກົ່າແກ່ປະເທດພວມພັດທະນາໃນການເຈລະຈາຮອບໂດຮາ.
|
|
