|
ປີນີ້,ຈີນອາດຈະລື່ນກາຍອາເມລິກາກາຍເປັນປະເທດຂາອອກໃຫຍ່ທີສອງໃນໂລກ
cri
Author: shuo
ຕາມຂ່າວສານຊິນຮວາ:ວັນທີ18ສິງຫານີ້,ໃນເວທີປຶກສາຫາລືການພັດທະນາເສດຖະກິດຂອງຈີນທີ່ຈັດຂຶ້ນຢູ່ປັກກິ່ງ,ທ່ານຢູກວາງໂຈ່ວ ລັດຖະມົນຕີຊ່ວຍວ່າການກະຊວງການຄ້າຈີນແນະນຳວ່າ,ປະຈຸບັນນີ້,ຍອດປະລິມານຂາອອກຂອງຈີນເປັນທີສາມໃນໂລກ ເຊິ່ງຖັດ ຈາກເຢຍລະມັນແລະອາເມລິກາ.ອີງຕາມການຄິດໄລ່,ຖ້າເຕີບໂຕຕໍ່ໄປຕາມຈັງຫວະປະຈຸບັນ,ໃນປີ2007,ຈີນອາດຈະລື່ນກາຍອາເມລິກາ,ກາຍເປັນປະເທດຂາອອກໃຫຍ່ທີສອງໃນໂລກ ເຊິ່ງພຽງແຕ່ຖັດຈາກເຢຍລະມັນທໍ່ນັ້ນ.
ອີງຕາມສະຖິຕິຂອງກົມໃຫຍ່ພາສີຈີນ,ໃນຫົກເດືອນທຳອິດປີນີ້,ຍອດມູນຄ່າການຄ້າຂາເຂົ້າຂາອອກຂອງຈີນມີເຖິງ980ຕື້800ລ້ານໂດລາ,ເພີ່ມຂຶ້ນຫຼາຍກວ່າເວລາດຽວກັນຂອງປີ2006 23%.ໃນນັ້ນ,ການຄ້າຂາອອກມີ546ຕື້700ລ້ານໂດລາ,ເພີ່ມຂຶ້ນ28%,ການຄ້າ ຂາເຂົ້າມີ434ຕື້200ລ້ານໂດລາ,ເພີ່ມຂຶ້ນ18%.
|
|
