|
ຈີນຮູ້ສຶກຕົກໃຈແລະບໍ່ພໍໃຈຕໍ່ເຈົ້າຫນ້າທີ່ຍີ່ປຸ່ນທີ່ກ່າວຖ້ອຍຄວາມກ່ຽວກັບຈີນຢ່າງບໍ່ເຫມາະສົມ
cri
ຕາມຂ່າວສານຊິນຮວາ:ວັນທີ 26 ກໍລະກົດນີ້,ກະຊວງການຕ່າງປະເທດຈີນກ່າວວ່າ,ຝ່າຍຈີນຮູ້ສຶກຕື່ນຕົກໃຈແລະບໍ່ພໍໃຈນຳທ່ານໂທໂມຮີໂຄ ທານີກູຊີ ຮອງໂຄສົກກະຊວງການຕ່າງປະເທດຍີ່ປຸ່ນທີ່ກ່າວຖ້ອຍຄວາມອັນບໍ່ເຫມາະສົມກ່ຽວກັບເສດຖະກິດຈີນເຕີບໂຕຢ່າງວ່ອງໄວ.
ຂ່າວແຈ້ງວ່າ, ທ່ານໂທໂມຮິໂຄ ທານີກູຊີໄດ້ກ່າວຢູ່ຮົງກົງວ່າ, ເສດຖະກິດຈີນເຕີບໂຕຢ່າງວ່ອງໄວຈະເຮັດໃຫ້ອາລົມຊາດນິຍົມແຮງຂຶ້ນ.
ກະຊວງການຕ່າງປະເທດຈີນກ່າວວ່າ, ຄວາມເຫັນຂອງເຈົ້າຫນ້າທີ່ຍີ່ປຸ່ນດັ່ງກ່າວບໍ່ຖືກກັບໂລຊິກ,ຍິ່ງບໍ່ຄວນກາຍເປັນເຫດຜົນຕ້ານຈີນ.
ກະຊວງການຕ່າງປະເທດຈີນກ່າວວ່າ, ການເພີ່ມຄວາມເຂົ້າໃຈກັນແລະມິດຕະພາບລະຫວ່າງປະຊາຊົນສອງປະເທດແມ່ນບັນຫາຮ່ວມກັນຂອງສອງຝ່າຍຈີນແລະຍີ່ປຸ່ນ.ຫວັງໃຫ້ຍີ່ປຸ່ນກັບຈີນຈົ່ງຍ່າງເຂົ້າຫາກັນ, ເຮັດເລື່ອງທີ່ມີຜົນດີຕໍ່ການປົວແປງອາລົມຈິດຂອງປະຊາຊົນສອງປະເທດໃຫ້ຫລາຍ,ແຕ່ບໍ່ແມ່ນເຮັດແບບກົງກັນຂ້າມ.
|
|
