|
ຈີນກຳລັງອອກແຮງຍົກສູງຄວາມສາມາດຂອງປ່າໄມ້ເພື່ອຮັບມືກັບການປ່ຽນແປງຂອງດິນຟ້າອາກາດ
cri
ຕາມຂ່າວ CRI: ວັນທີ 17 ກໍລະກົດນີ້, ຢູ່ທີ່ປັກກິ່ງ, ທ່ານເຈຍຈື້ປ່າງ ຫົວໜ້າກົມປ່າໄມ້ແຫ່ງຊາດຈີນກ່າວວ່າ, ລັດຖະບານຈີນກຳລັງອອກແຮງຍົກສູງຄວາມສາມາດຂອງປ່າໄມ້ໃນດ້ານຫຼຸດການລະບາຍອາຍກາກບອນດີອອກ, ເພື່ອປະກອບສ່ວນຫຼາຍກວ່າເກົ່າເຂົ້າໃນການຮັບມືກັບການປ່ຽນແປງຂອງດິນຟ້າອາກາດໃນທົ່ວໂລກ.
ໃນງານຖະແຫຼງຂ່າວທີ່ຈັດຂຶ້ນຢູ່ປັກກິ່ງ, ທ່ານເຈຍຈື້ປ່າງກ່າວວ່າ, ໃນເວລາເພີ່ມທະວີການຄຸ້ມຄອງແລະຮັກສາປ່າໄມ້ແລະດິນຊຸ່ມ, ຈີນກໍ່ໄດ້ອອກແຮງພັດທະນາພະລັງງານຊີວະຊາດປ່າໄມ້, ພ້ອມກັນນັ້ນ, ກໍ່ຕັ້ງໜ້າລະດົມວິສາຫະກິດຈີນເຂົ້າຮ່ວມການປູກຕົ້ນໄມ້ແລະທຸລະກິດປ່າໄມ້ທີ່ຖືການພັດທະນາພະລັງງານຊີວະຊາດປ່າໄມ້ເປັນຈຸດປະສົງ.
ຂ່າວແຈ້ງວ່າ, ຮອດປີ 2020, ຈີນຈະສ້າງປ່າໄມ້ທີ່ເປັນພະລັງງານທີ່ມີຄຸນນະພາບສູງ 13 ລ້ານກວ່າເຮັກຕາ, ເພື່ອຕອບສະໜອງຄວາມຕ້ອງການວັດຖຸດິບທີ່ຜະລິດນ້ຳມັນກາຊວນຊີວະຊາດ 6 ລ້ານກວ່າໂຕນຕໍ່ປີ.
|
|
