|
ເຈົ້າໜ້າທີ່ກະຊວງການຄ້າຈີນຄາດຄະເນວ່າ,ໃນ6ເດືອນທ້າຍປີນີ້,ສະພາບທີ່ຂາອອກຫຼາຍກວ່າຂາເຂົ້າຈະເພີ່ມຂຶ້ນຊ້າລົງ
cri
Author: shuo
ຕາມຂ່າວCRI:ວັນທີ11ກໍລະກົດນີ້,ຢູ່ປັກກິ່ງ,ທ່ານວາງຊິ່ນເພີຍ ໂຄສົກຖະແຫຼງຂ່າວກະ ຊວງການຄ້າຈີນຊີ້ອອກວ່າ,ຄາດວ່າ,ຄວາມໄວເພີ່ມຂຶ້ນຂອງການຄ້າຂາອອກຫຼາຍກວ່າຂາເຂົ້ານັ້ນຈະຊ້າລົງໃນຫົກເດືອນທ້າຍປີນີ້.
ໃນກອງປະຊຸມຂ່າວທີ່ຈັດຂຶ້ນໃນວັນທີ11ກໍລະກົດນີ້,ທ່ານວາງຊິ່ນເພີຍເວົ້າວ່າ,ສາເຫດສຳຄັນອັນໜຶ່ງທີ່ພາໃຫ້ການຄ້າຂາອອກຫຼາຍກວ່າຂາເຂົ້າເພີ່ມຂຶ້ນໃນຫົກເດືອນຕົ້ນປີນີ້ແມ່ນຍ້ອນມີບາງວິສາຫະກິດເລັ່ງລັດສົ່ງອອກຜະລິດຕະພັນກ່ອນລັດຖະບານປັບປຸງນະໂຍບາຍຖອນພາສີຂາອອກ;ແຕ່ຄຽງຄູ່ກັບນະໂຍບາຍຖອນພາສີຂາອອກຂອງຈີນທີ່ປັບປຸງແລ້ວນັ້ນເລີ່ມປະຕິບັດຢ່າງເປັນທາງການແຕ່ວັນທີ1ກໍລະກົດນີ້,ຄວາມໄວເພີ່ມຂຶ້ນຂອງ ການຄ້າຂາອອກຫຼາຍກວ່າຂາເຂົ້ານັ້ນຈະຖືກຄວບຄຸມຢ່າງບັງເກີດຜົນ.
ອີງຕາມສະຖິຕິຂອງກົມໃຫຍ່ພາສີຈີນ,ໃນຫົກເດືອນຕົ້ນປີນີ້,ການຄ້າຂາອອກຂອງຈີນຫຼາຍກວ່າຂາເຂົ້າ112ຕື້500ລ້ານໂດລາ,ເກືອບເພີ່ມຂຶ້ນຄົບເທົ່າເມື່ອທຽບໃສ່ໄລຍະດຽວກັນຂອງປີ2006.
|
|
