|
ບັນຫາໂອນທຶນສປປເກົາຫຼີໄດ້ຮັບການແກ້ໄຂ,ສປປເກົາຫຼີຈະເລີ່ມປະຕິບັດເອກະສານຮ່ວມ13ກຸມພາ
cri
ຕາມຂ່າວCRI,ວັນທີ25ມິຖຸນານີ້,ຢູ່ພຽງຢາງໂຄສົກກະຊວງການຕ່າງປະເທດສປປເກົາຫຼີປະກາດວ່າ,ບັນຫາໂອນທຶນສປປເກົາຫຼີທີ່ຖືກງົດຢູ່ທະນາຄານເດທາອາຊີຂອງມາກາວໄດ້ຮັບການແກ້ໄຂແລ້ວ,ສປປເກົາຫຼີຈະປະຕິບັດເອກະສານຮ່ວມ13ກຸມພາຄືການເຄື່ອນໄຫວເບື້ອງຕົ້ນເພື່ອປະຕິບັດຖະແຫຼງການຮ່ວມທີ່ຕົກລົງກັນໃນການເຈລະຈາຫົກຝ່າຍກ່ຽວກັບບັນຫານີວເຄຼຍແຫຼມເກົາຫຼີ.
ຂ່າວສານສູນກາງສປປເກົາຫຼີໄດ້ຍົກເອົາຄຳເວົ້າຂອງໂຄສົກຜູ່ນີ້ມາລາຍງານວ່າ,ເລີ່ມແຕ່ວັນທີ26ມິຖະນາເປັນຕົ້ນໄປ,ສປປເກົາຫຼີຈະພ້ອມກັບຄະນະຜູ່ແທນເຮັດວຽກຂອງອົງການພະລັງງານປະລະມານູສາກົນ ຫາລືບັນຫາກ່ຽວກັບການຢຸດເຊົາການໝູນເດີນຂອງສິ່ງກໍ່ສ້າງນີວເຄຼຍ,ແລະດຳເນີນວຽກງານຕິດຕາມກວດກາຢູ່ພຽງຢາງ.
ມື້ດຽວກັນ,ຢູ່ວໍຊິງຕັນ, ທ່ານຄຼິສໂຕເຟີ ຮີວ ລັດຖະມົນຕີຊ່ວຍວ່າການກະຊວງການຕ່າງປະເທດອາເມລິກາ,ຫົວໜ້າຄະນະຜູ່ແທນອາເມລິກາທີ່ເຂົ້າຮ່ວມການເຈລະຈາຫົກຝ່າຍກ່ຽວກັບບັນຫານີວເຄຼຍແຫຼມເກົາຫຼີ ກ່າວວ່າ,ສິ່ງກໍ່ສ້າງນີວເຄຼຍຂອງສປປເກົາຫຼີຈະຢຸດເຊົາການໝູນເດີນພາຍໃນປີນີ້.ທ່ານຍັງກ່າວວ່າ,ຝ່າຍຕ່າງໆຂອງການເຈລະຈາຫົກຝ່າຍຫວັງໃຫ້ຟື້ນຟູການເຈລະຈາຄືນໃໝ່ໃນອາທິດທີສອງຂອງເດືອນກໍລະກົດປີນີ້,ລັດຖະມົນຕີການຕ່າງປະເທດຂອງຫົກຝ່າຍກໍຈະຈັດການເຈລະຈາກັນ.
ວັນທີ25ມິຖຸນານີ້,ທ່ານຊີໂອຈາຄິ ຢາຊູຮິຊາເລຂາທິການໃຫຍ່ຄະນະລັດຖະບານຍີ່ປຸ່ນກ່າວວ່າ,ຖ້າວ່າສປປເກົາຫຼີບໍ່ສາມາດຮັບປະກັນປະຕິບັດການເຄື່ອນໄຫວເບື້ອງຕົ້ນ,ການເຈລະຈາລະດັບລັດຖະມົນຕີການຕ່າງປະເທດຫົກຝ່າຍຈະບໍ່ສາມາດຈັດຂຶ້ນໄດ້.
|
|
