|
4ເດືອນທຳອິດປີນີ້,ຍອດມູນຄ່າຂາເຂົ້າຂາອອກຂອງຈີນເພີ່ມຂຶ້ນ23,6%
cri
Author: shuo
ຕາມຂ່າວສານຊິນຮວາ:ຕາມສະຖິຕິຂອງກົມໃຫຍ່ພາສີຈີນ,ນັບແຕ່ເດືອນມັງກອນຮອດເດືອນເມສາປີນີ້,ຍອດມູນຄ່າຂາເຂົ້າຂາອອກຂອງຈີນມີເຖິງ635ຕື້730ລ້ານໂດລາ,ເພີ່ມຂຶ້ນ23,6%ເມື່ອທຽບໃສ່ໄລຍະດຽວກັນຂອງປີ2006,ໃນນັ້ນຂາອອກຫຼາຍກວ່າຂາເຂົ້າ63 ຕື້300ລ້ານໂດລາ.
ນັບແຕ່ເດືອນມັງກອນຫາເດືອນເມສາປີນີ້,ການເພີ່ມຂຶ້ນຂອງການຄ້າຂາອອກຜະລິດຕະ ພັນກົນຈັກແລະເຄື່ອງໄຟຟ້າຂອງຈີນສືບຕໍ່ສູງກວ່າລະດັບສະເລ່ຍຂອງການຂາອອກ, ຍອດມູນຄ່າການຄ້າຂາອອກຜະລິດຕະພັນຊະນິດນີ້ກວມ50%ຂຶ້ນໄປຂອງຍອດມູນຄ່າການຄ້າຂາອອກຂອງຈີນ.
ນອກນີ້,ການຄ້າຂາອອກສິນຄ້າບໍລິມາດໃຫຍ່ທີ່ມາດົນນານແລ້ວ ເຊັ່ນເຄື່ອງນຸ່ງ ແຜ່ນແພ ແລະເກີບເປັນຕົ້ນຍັງຮັກສາທ່ວງທ່າເຕີບໂຕໄດ້ດີ.
ໃນດ້ານຂາເຂົ້າ,ຜະລິດຕະພັນຂັ້ນຕົ້ນ ກົນຈັກແລະເຄື່ອງໄຟຟ້າ ຜະລິດຕະພັນເຄມີແລະລົດຍົນເປັນຕົ້ນລ້ວນແຕ່ເຕີບໂຕຢ່າງເດັ່ນຊັດ.
|
|
