|
|
 |
| (GMT+08:00)
2007-04-15 20:50:14
|
 |
|
ງານຊື້ຂາຍສິນຄ້າຂາເຂົ້າຂາອອກຈີນຄັ້ງທີ101ໄຂຂຶ້ນຢູ່ເມືອງກວາງໂຈ່ວ
cri
Author: shuo
|
ຕາມຂ່າວCRI:ວັນທີ15ເມສານີ້,ງານຊື້ຂາຍສິນຄ້າຂາເຂົ້າຂາອອກຈີນຄັ້ງທີ101ໄຂຂຶ້ນຢູ່ກວາງໂຈ່ວ ເມືອງພາກໃຕ້ຂອງຈີນ.
ງານຊື້ຂາຍສິນຄ້ານີ້ແຕ່ເດີມແມ່ນງານຊື້ຂາຍສິນຄ້າຂາອອກຂອງຈີນ,ແມ່ນງານວາງສະແດງການຄ້າສາກົນທີ່ມີຂະໜາດໃຫຍ່ກວ່າໝູ່ຂອງຈີນ.ເພື່ອຊຸກຍູ້ໃຫ້ການຄ້າຂາເຂົ້າຂາອອກຂອງຈີນພັດທະນາຢ່າງກົມກຽວກັນແລະດຸນດ່ຽງກັນ,ເລີ່ມແຕ່ຄັ້ງນີ້ເປັນຕົ້ນໄປ,ລັດ ຖະບານຈີນໄດ້ປ່ຽນຊື່ໃຫ້ເປັນງານຊື້ຂາຍສິນຄ້າຂາເຂົ້າຂາອອກຂອງຈີນ,ໄດ້ຈັດເຂດວາງສະແດງສິນຄ້າຂາເຂົ້າໂດຍສະເພາະ.ວິສາຫະກິດ314ແຫ່ງທີ່ມາຈາກ36ປະເທດແລະເຂດແຄ້ວນຈະເຂົ້າຮ່ວມງານວາງສະແດງສິນຄ້າຂາເຂົ້າສະໄໝນີ້.
ໃນພິທີໄຂເຂດວາງສະແດງສິນຄ້າຂາເຂົ້າ,ທ່ານເກົ່າຫູເຊິງ ລັດຖະມົນຕີຊ່ອຍວ່າການກະຊວງການຄ້າຈີນກ່າວວ່າ,ເມື່ອໄດ້ເພີ່ມຕື່ມສັບພະຄຸນຂາເຂົ້າແລ້ວ,ງານຊື້ຂາຍສິນຄ້າກວາງໂຈ່ວຈະອຳນວຍໂອກາດໃຫ້ວິສາຫະກິດຕ່າງປະເທດຫຼາຍກວ່າເກົ່າຮູ້ສະພາບຕະຫຼາດຈີນດີຍິງຂຶ້ນແລະມີໂອກາດເຂົ້າສູ່ຕະຫຼາດຈີນ,ມາດຕະການນີ້ໄດ້ສະແດງໃຫ້ເຫັນຄວາມຈິງໃຈແລະຄວາມພະຍາຍາມຂອງລັດຖະບານຈີນຢ່າງເຕັມທີ່ເພື່ອປັບປຸງຄວາມດຸນດ່ຽງດ້ານການຄ້າໃຫ້ດີຂຶ້ນ.
|
|
|
