|
ພັກການເມືອງຕ່າງໆຂອງຍີ່ປຸ່ນຕີລາຄາສູງຕໍ່ການກ່າວປາຖະກະຖາຂອງນາຍົກຈີນຢູ່ລັດຖະສະພາຍີ່ປຸ່ນ
cri
Author: cai
ຕາມຂ່າວCRI:ໜັງສືພິມ"ອາຊາຮີຊິມບູນ"ຂອງຍີ່ປຸ່ນສະບັບວັນທີ 13 ເມສານີ້ລາຍງານວ່າ,ຕອນເຊົ້າວັນທີ 12 ເມສານີ້,ທ່ານເວີ່ນເຈ່ຍປາວ ນາຍົກລັດຖະມົນຕີຈີນທີ່ພວມຢ້ຽມຢາມຍີ່ປຸ່ນໄດ້ກ່າວປາຖະກະຖາຢູ່ລັດຖະສະພາຍີ່ປຸ່ນ,ແລະໄດ້ຮັບການຕີລາຄາສູງຈາກພັກການເມືອງຕ່າງໆຂອງຍີ່ປຸ່ນ,ເຫັນວ່າ,ການກ່າວປາຖະກະຖາໄດ້ຊີ້ອອກຢ່າງຈະແຈ້ງວ່າຈີນຍີ່ປຸ່ນຕ້ອງອວ່າຍໜ້າໄປສູ່ອະນາຄົດ,ພວກທ່ານຖືວ່າເປັນປາຖະກະຖາທີ່ດີເລີດ.
ໜັງສືພິມດັ່ງກ່າວລາຍງານວ່າ,ໃນບົດປາຖະກະຖາ,ໃນເວລາກ່າວເຖິງບັນຫາປະຫວັດສາດ,ທ່ານເວີ່ນເຈ່ຍປາວໄດ້ຮຽກຮ້ອງໃຫ້ຍີ່ປຸ່ນສະແດງທ່າທີຂອງຕົນທີ່ມີຕໍ່ບັນຫານີ້ຢ່າງຈະແຈ້ງດ້ວຍການກະທຳຕົວຈິງ.ຕໍ່ເລື່ອງນີ້,ທ່ານນີຄາອີ ໂທຊີຮີໂຣ ປະທານຄະນະກຳມະການນະໂຍບາຍຂອງລັດຖະສະພາທີ່ສັງກັດພັກເສລີປະຊາທິປະໄຕຍີ່ປຸ່ນຊີ້ອອກວ່າ,"ຜູ້ຕີຜູ້ອື່ນນັ້ນລືມແລ້ວ,ແຕ່ຜູ້ຖືກຕີແມ່ນບໍ່ລືມຈັກເທື່ອ,ຍີ່ປຸ່ນຕ້ອງຈື່ຂໍ້ນີ້ໄວ້ທຸກເວລາ."ທ່ານຮາໂທຢາມາ ຢູຄີໂອ ຜູ້ອຳນວຍການໃຫຍ່ພັກປະຊາທິປະໄຕຍີ່ປຸ່ນທີ່ບໍ່ກຳອຳນາດຊີ້ອອກວ່າ,ລັດຖະບານຍີ່ປຸ່ນຕ້ອງພິຈາລະນາຢ່າງຈິງຈັງຕໍ່ບົດປາຖະກະຖາຂອງທ່ານນາຍົກເວີ່ນເຈ່ຍປາວ,ແລະຕອບດ້ວຍການກະທຳຕົວຈິງ.
|
|
