|
ປະທານສະມາຄົມຍີ່ປຸ່ນຈີນເຫັນວ່າ ການເປີດກວ້າງການແລກປ່ຽນຂອງປະຊາຊົນຈະສ້າງພື້ນຖານການພົວພັນຍີ່ປຸ່ນຈີນໃຫ້ໝັ້ນແກ່ນ
cri
Author: cai
ຕາມຂ່າວສານຊີນຮວາ:ຫວ່າງມໍ່ໆນີ້,ໃນເວລາໃຫ້ສຳພາດຕໍ່ນັກຂ່າວຈີນ,ທ່ານຊີຣານີຊີ ຊີນີຈີໂຣ ປະທານສະມາຄົມຍີ່ປຸ່ນຈີນເວົ້າວ່າ,ຍີ່ປຸ່ນກັບຈີນຄວນສືບຕໍ່ເປີດກວ້າງການແລກປ່ຽນຂອງປະຊາຊົນ,ແລ້ວສ້າງພື້ນຖານການພົວພັນຍຸດທະສາດທີ່ຕ່າງຝ່າຍຕ່າງມີຜົນປະໂຫຍດລະຫວ່າງສອງຝ່າຍໃຫ້ໝັ້ນແກ່ນ.
ທ່ານຊີຣານີຊີ ຊີນີຈີໂຣເຫັນວ່າ,ຢາກຂະຫຍາຍການພົວພັນຍຸດທະສາດທີ່ຕ່າງຝ່າຍຕ່າງມີຜົນປະໂຫຍດລະຫວ່າງຍີ່ປຸ່ນຈີນ,ນອກຈາກ"ສອງລໍ້ຄືການເມືອງແລະເສດຖະກິດໝູນພ້ອມກັນ"ທີ່ທ່ານຊີນໂຈ ອາເບ ນາຍົກລັດຖະມົນຕີຍີ່ປຸ່ນສະເໜີນັ້ນແລ້ວ,ຍັງຄວນເອົາໃຈໃສ່ເປັນພິເສດນຳການເປີດກວ້າງການແລກປ່ຽນລະຫວ່າງປະຊາຊົນຍີ່ປຸ່ນຈີນ,ເຮັດແນວນີ້ຈຶ່ງສາມາດສ້າງພື້ນຖານການພົວພັນຍຸດທະສາດທີ່ຕ່າງຝ່າຍຕ່າງມີຜົນປະໂຫຍດລະຫວ່າງຍີ່ປຸ່ນຈີນໃຫ້ໝັ້ນແກ່ນ.
ໃນເວລາກ່າວເຖິງຍີ່ປຸ່ນກັບຈີນສ້າງການພົວພັນຍຸດທະສາດທີ່ຕ່າງຝ່າຍຕ່າງມີຜົນປະໂຫຍດ,ທ່ານຊີຣານີຊີ ຊີນີຈີໂຣເວົ້າວ່າ,ຍີ່ປຸ່ນກັບຈີນສ້າງການພົວພັນຍຸດທະສາດທີ່ຕ່າງຝ່າຍຕ່າງມີຜົນປະໂຫຍດ,ກ່ອນອື່ນແມ່ນເປັນລັກສະນະທົ່ວໂລກ,ສອງປະເທດຕ້ອງສ້າງການພົວພັນຍຸດທະສາດທີ່ຕ່າງຝ່າຍຕ່າງມີຜົນປະໂຫຍດໃນຂອບເຂດທົ່ວໂລກ,ພ້ອມກັນນັ້ນ,ການພົວພັນແບບນີ້ຄວນຍາວນານແລະຮອບດ້ານ.
|
|
