|
|
 |
| (GMT+08:00)
2007-03-26 16:24:02
|
 |
|
ງານຕະຫລາດນັດກວາງໂຈວຄັ້ງທີ 101 ຈະຈັດເຂດວາງສະແດງສິນຄ້ານຳເຂົ້າ
cri
Author: sayvanny
ຕາມຂ່າວ cri: ວັນທີ 26 ມີນານີ້ ໃນກອງປະຊຸມຂ່າວທີ່ຈັດຂຶ້ນຢູ່ປັກກິ່ງ, ທ່ານກ່າວຫູເສິງ ລັດຖະມົນຕີຊ່ວຍວ່າການກະຊວງການຄ້າຈີນເຜີຍໃຫ້ຮູ້ວ່າ,ເພື່ອປັບປຸງສະພາບທີ່ການຄ້າຂອງຈີນບໍ່ດຸນດ່ຽງກັນ, ງານຕະຫລາດນັດກວາງໂຈວຄັ້ງທີ 101 ທີ່ຈະຈັດຂຶ້ນໃນເດືອນຫນ້າຈະຈັດເຂດວາງສະແດງສິນຄ້ານຳເຂົ້າໂດຍສະເພາະ, ເພື່ອອຳນວຍໂອກາດໃຫ້ວິສາຫະກິດປະເທດຕ່າງໆໃນໂລກເພື່ອຂາຍສິນຄ້າໃຫ້ຈີນ.
ງານຕະຫລາດນັດກວາງໂຈວແມ່ນງານວາງສະແດງການຄ້າສາກົນທີ່ມີຂະຫນາດໃຫຍ້ກວ່າຫມູ່ແລະມີປະຫວັດຍາວນານກວ່າຫມູ່ຂອງຈີນ,ປີຫນຶ່ງຈັດຂຶ້ນສອງເທື່ອໃນລະດູໃບໄມ້ປົ່ງແລະລະດູໃບໄມ້ຫລົ່ນ.ເລີ່ມແຕ່ຄັ້ງທີ 101 ເປັນຕົ້ນໄປ,ງານຕະຫລາດນັດກວາງໂຈວປ່ຽນຊື່ຈາກງານຕະຫລາດນັດສິນຄ້າຂາອອກຂອງຈີນໃນເມື່ອກ່ອນມາເປັນງານຕະຫລາດນັດສິນຄ້າຂາເຂົ້າຂາອອກ.
ທ່ານກ່າວຫູເສິງເວົ້າວ່າ, ງານດັ່ງກ່າວຈັດເຂດວາງສະແດງສິນຄ້ານຳເຂົ້າໄດ້ສະແດງໃຫ້ເຫັນຄວາມຕັດສິນໃຈຂອງລັດຖະບານຈີນທີ່ຈະພະຍາ ຍາມປັບປຸງສະພາບການຄ້າທີ່ບໍ່ດຸນດ່ຽງກັນ,ພ້ອມກັນນັ້ນກໍ່ໄດ້ອຳນວຍຄວາມສະດວກໃຫ້ຜູ່ບໍລິໂພກຂອງຈີນມີທາງເລືອກຊື້ສິນຄ້າຫລາຍກວ່າເກົ່າ.
|
|
|
