|
ຜູ່ໄດ້ຮັບລາງວັນໂນແບນກ່າວວ່າການພັດທະນາຂອງຈີນເຮັດໃຫ້ທົ່ວໂລກໄດ້ຮັບຜົນປະໂຫຍດ
cri
ຕາມຂ່າວສານຊິນຮວາ,ວັນທີ13ມີນານີ້,ຢູ່ນະຄອນຄຸນມິງ ທາງພາກຕາເວັນຕົກສຽງໃຕ້ຂອງຈີນ,ທ່ານ ໂຈເຊັຟ ອີ ສະຕິກລີສ ຜູ່ໄດ້ຮັບລາງວັນເສດຖະສາດໂນແບນປີ2001ນັກເສດຖະສາດອາເມລິກາກ່າວວ່າ,ຈີນແມ່ນຜູ່ແຂ່ງຂັນອັນແຂງແຮງໃນດ້ານເສດຖະກິດ,ການພັດທະນາຂອງຈີນເຮັດໃຫ້ເສດຖະກິດທົ່ວໂລກໄດ້ຮັບຜົນປະໂຫຍດ.
ໃນເວລາໃຫ້ສຳພາດຕໍ່ນັກຂ່າວ,ທ່ານສະຕິກລີສເຫັນວ່າ,ການພັດທະນາຂອງຈີນໄດ້ຊຸກຍູ້ໂດຍກົງໃຫ້ເສດຖະກິດອາເມລິກາມີການພັດທະນາ,ຕົວຢ່າງຄື,ອັດຕາຫວ່າງງານຕ່ຳ,ຕະຫຼາດລາຄາພາຍໃນປະເທດອາເມລິກາໝັ້ນທ່ຽງເປັນຕົ້ນ.ໃນຂະນະທີ່ພັດທະນາຢ່າງໄວວານັ້ນ,ຈີນຍັງໄດ້ນຳເອົາໂອກາດຫຼວງຫຼາຍມາໃຫ້ປະເທດພວມພັດທະນາທັງຫຼາຍ.
ທ່ານສະຕິກລີສຍັງເຫັນວ່າຈີນຄວນຍຶດໝັ້ນຊອກຄົ້ນວິທີຂອງຕົນໃນການແກ້ໄຂບັນຫາເສດຖະກິດ.
|
|
