|
ໂຄສົກກະຊວງການຕ່າງປະເທດຈີນກ່າວວ່າທ່າທີຂອງຍີ່ປຸ່ນໃນບັນຫານາງບຳເລີໃນກອງທະຫານກ່ຽວພັນເຖິງພາບພົດຂອງເຂົາຢູ່ໃນໂລກ
cri
ຕາມຂ່າວCRI,ໃນງານຖະແຫຼງຂ່າວທີ່ຈັດຂຶ້ນຢູ່ປັກກິ່ງໃນວັນທີ8ມີນານີ້,ທ່ານສິນກ່າງໂຄສົກກະຊວງການຕ່າງປະເທດຈີນກ່າວວ່າ,ທ່າທີຂອງຍີ່ປຸ່ນໃນບັນຫານາງບຳເລີກ່ຽວພັນເຖິງພາບພົດຂອງຍີ່ປຸ່ນຢູ່ໃນໂລກ,ຫວັງວ່າຝ່າຍຍີ່ປຸ່ນຄົງແກ້ໄຂບັນຫານີ້ໃຫ້ເໝາະສົມ.
ໃນເວລາຕອບຄຳຖາມຂອງນັກຂ່າວ,ທ່ານສິນກ່າງກ່າວວ່າ,ຍີ່ປຸ່ນແກ້ໄຂບັນຫາປະຫວັດສາດຢ່າງເໝາະສົມແມ່ນພື້ນຖານສຳຄັນຂອງການປົວແປງການພົວພັນຈີນຍີ່ປຸ່ນໃຫ້ດີຂຶ້ນແລະຂະຫຍາຍກ້າວໄປໜ້າຢ່າງບໍ່ຢຸດຢັ້ງ.ທ່ານກ່າວເນັ້ນວ່າ,ການບັງຄັບເກນເອົານາງບຳເລີເຂົ້າກອງທະຫານນັ້ນແມ່ນການຕ້ອງໂທດອັນໜັກໜ່ວງຂອງລັດທິລັດຖະທະຫານຍີ່ປຸ່ນໃນສົງຄາມໂລກຄັ້ງທີສອງ,ນີ້ແມ່ນເລື່ອງຈິງປະຫວັດສາດທາງພາວະວິໄສ,ແມ່ນປະຕິເສດບໍ່ໄດ້.ຈີນຫວັງໃຫ້ຝ່າຍຍີ່ປຸ່ນໃຊ້ທ່າທີຮັບຜິດຊອບຕໍ່ປະຫວັດສາດ,ຕໍ່ປະຊາຊົນແລະຕໍ່ອະນາຄົດ,ເອົາໃຈໃສ່ສຽງຮຽກຮ້ອງຂອງປະຊາຄົມໂລກຢ່າງຈິງຈັງ,ຊຳລະແກ້ໄຂບັນຫາດັ່ງກ່າວໃຫ້ເໝາະສົມ.
|
|
