|
|
 |
| (GMT+08:00)
2007-01-26 12:12:48
|
 |
|
ປີ2020ພະລັງງານຊີວະຊາດຂອງຊົນນະບົດຈີນຈະເຂົ້າແທນນ້ຳມັນສຳເລັດຮູບ10ລ້ານໂຕນ
cri
ຕາມຂ່າວສານຊິນຮວາ,ວັນທີ25ມັງກອນນີ້,ກະຊວງກະສິກຳຈີນສະເໜີອອກມາວ່າ,ຈີນຈະເພີ່ມທະວີການພັດທະນາພະລັງງານຊີວະຊາດຂອງຊົນນະບົດ,ປູກພືດພະລັງງານທີ່ມີປະສິດທິຜົນສູງເພື່ອສະໜອງວັດຖຸດິບໃຫ້ແກ່ການຜະລິດວັດຖຸເຟື້ອໄຟທາດນ້ຳເຊັ່ນນ້ຳມັນກາຊວນຊີວະຊາດເປັນຕົ້ນ.ເມື່ອຮອດປີ2020ຈະບັນລຸເປົ້າໝາຍທີ່ເຂົ້າແທນນ້ຳມັນເຊື້ອໄຟສຳເລັດຮູບ10ລ້ານໂຕນ.
ໃນກອງປະຊຸມສຳມະນາທີ່ຈັດຂຶ້ນຢູ່ປັກກິ່ງໃນວັນທີ25ມັງກອນນີ້,ເຈົ້າໜ້າທີ່ທີ່ກ່ຽວຂ້ອງຂອງກະຊວງກະສິກຳຈີນເວົ້າສູ່ຟັງວ່າ,ການພັດທະນາພະລັງງານຊີວະຊາດແມ່ນຫົວຂໍ້ສຳຄັນທີ່ຈີນແລະຕ່າງປະເທດເອົາໃຈໃສ່ນຳກັນຢ່າງກວ້າງຂວາງໃນປັດຈຸບັນ.ການອອກແຮງພັດທະນາພະລັງງານຊີວະຊາດແມ່ນມາດຕະການຍຸດທະສາດຂອງຈີນໃນການຜ່ອນຄາຍຄວາມຂັດແຍ່ງລະຫວ່າງການສະໜອງແລະຄວາມຕ້ອງການພະລັງງານ,ແລະກໍແມ່ນໜ້າທີ່ສຳຄັນໃນການແກ້ໄຂບັນຫາກະສິກຳ,ຊົນນະບົດແລະຊາວກະສິກອນ,ແລະຮັບປະກັນໃຫ້ເສດຖະກິດສັງຄົມພັດທະນາຢ່າງຕໍ່ເນື່ອງ.
ຜູ່ຊ່ຽວຊານແນະນຳວ່າ,ພະລັງງານຊີວະຊາດໃນຖານະເປັນພະລັງງານທີ່ເກີດໃໝ່ໄດ້ແມ່ນພະລັງງານໃຫຍ່ທີສີ່ເຊິ່ງພຽງແຕ່ຖັດຈາກຖ່ານຫີນ ນ້ຳມັນເຊື້ອໄຟແລະອາຍແກັສທຳມະຊາດ.ພະລັງງານຊີວະຊາດຂອງຊົນນະບົດຈີນຕົ້ນຕໍມີຫຼາຍປະເພດໃຫຍ່ເຊິ່ງລວມທັງຕົ້ນພືດກະສິກຳ,ມູນຂອງສັດແລະຄົນ,ຜະລິດຕະພັນສຳຮອງໃນການປຸງແຕ່ງຜະລິດຕະພັນກະສິກຳແລະພືດພະລັງງານເປັນຕົ້ນ.
|
|
|
