|
ປີ2006ຈີນໃຊ້ງົບປະມານ11ຕື້100ລ້ານຢວນເພື່ອກູ້ໄພ
cri
ຕາມຂ່າວCRI,ວັນທີ11ມັງກອນນີ້,ຢູ່ທີ່ປັກກິ່ງ,ທ່ານລີລີ້ໂກ ລັດຖະມົນຕີຊ່ວຍວ່າການກະຊວງການປົກຄອງແລະປະຊາສົງເຄາະຈີນເຜີຍໃຫ້ຮູ້ວ່າ,ປີ2006,ນັບລວມແລ້ວ,ການເງິນສູນກາງຈີນໄດ້ໃຊ້ງົບປະມານ11ຕື້100ລ້ານຢວນເພື່ອກູ້ໄພທຳມະຊາດ.
ທ່ານລີລີ້ໂກກ່າວວ່າ,ປີ2006,ໄພທຳມະຊາດຊະນິດຕ່າງໆເຊັ່ນລົມໃຕ້ຝຸ່ນ,ນ້ຳຖ້ວມ,ໄພແຫຼ້ງແລ້ງແລະອື່ນໆໄດ້ເຮັດໃຫ້3186ຄົນເສຍຊີວິດ,ຄວາມເສຍຫາຍທາງເສດຖະກິດໂດຍກົງເທົ່າກັບ250ຕື້ກວ່າຢວນ,ແມ່ນປີໜຶ່ງທີ່ປະສົບໄພທຳມະຊາດໜັກໜ່ວງກວ່າໝູ່ນັບແຕ່ປີ1998ມານີ້.ໂດຍປະເຊີນກັບໄພທຳມະຊາດ,ລັດຖະບານຈີນໄດ້ອອກແຮງສຸດຂີດສະໜັບສະໜູນເຂດປະສົບໄພຕ້ານໄພແລະກູ້ໄພ,ຮັບປະກັນຊີວິດພື້ນຖານຂອງມວນຊົນທີ່ປະສົບໄພ.
ທ່ານລີລີ້ໂກກ່າວວ່າ,ນັບມາຮອດປັດຈຸບັນ,ເຂດປະສົບໄພໄດ້ສຳເລັດການປຸກເຮືອນໃໝ່1ລ້ານ7ແສນ2ໝື່ນຫຼັງ,ຄືສຳເລັດ90%ໃນຍອດຈຳນວນເຮືອນທີ່ຕ້ອງປຸກໃໝ່.
|
|
