|
ທ່ານອາເບ ຊິນໂຈກ່າວວ່າ,ຈະພະຍາຍາມກໍ່ສ້າງການພົວພັນທີ່ຕ່າງຝ່າຍຕ່າງມີຜົນປະໂຫຍດດ້ານຍຸດທະສາດລະຫວ່າງຍີ່ປຸ່ນຈີນ
cri
Author: shuo
ຕາມຂ່າວສານຊິນຮວາ:ວັນທີ23ທັນວາ,ທ່ານອາເບ ຊິນໂຈ ນາຍົກລັດຖະມົນຕີຍີ່ປຸ່ນໄດ້ປະກາດສານອວຍພອນປີໃໝ່ສາກົນໃນໜັງສືພິມຍີ່ປຸ່ນກັບຈີນສະບັບວັນທີ23 ເຊິ່ງເປັນ ໜັງສືພິມຂອງສະມາຄົມມິດຕະພາບຍີ່ປຸ່ນຈີນ,ໂດຍຂຽນວ່າ,ປີ2007ແມ່ນສາຍສຳພັນທາງການທູດລະຫວ່າງຍີ່ປຸ່ນຈີນເປັນປົກກະຕິຄົບຮອບ35ປີ,ຈະຖືກິດຈະກຳປີແລກປ່ຽນວັດທະນະທຳແລະກິລາລະຫວ່າງຍີ່ປຸ່ນຈີນເປັນໃຈກາງ,ພະຍາຍາມເຮັດໃຫ້ການແລກປ່ຽນລະຫວ່າງປະຊາຊົນສອງຊາດເປີດກວ້າງແບບກ້າວກະໂດດ,ກໍ່ສ້າງການພົວພັນທີ່ຕ່າງຝ່າຍຕ່າງມີຜົນປະໂຫຍດທີ່ມີລັກສະນະຍຸດທະສາດ.
ທ່ານອາເບ ຊິນໂຈກ່າວວ່າ,ພາຍຫຼັງທ່ານຂຶ້ນຮັບຕຳແໜ່ງເປັນນາຍົກລັດຖະມົນຕີແລ້ວ,ຈີນແມ່ນປະເທດທຳອິດທີ່ທ່ານໄປຢ້ຽມຢາມ.ການຢ້ຽມຢາມຈີນເທື່ອນີ້ສະແດງໃຫ້ເຫັນວ່າ,ສອງປະເທດຍີ່ປຸ່ນຈີນເອົາໃຈໃສ່ນຳການຂະຫຍາຍການພົວພັນລະຫວ່າງສອງຝ່າຍ,ແລະໄດ້ຮັບຮູ້ຄວາມສຳຄັນຂອງການແລກປ່ຽນແລະສົນທະນາກັນຢ່າງຈິງໃຈແລະຊື່ກົງ.ຕໍ່ຈາກນັ້ນ,ທ່ານໄດ້ພົບກັບທ່ານປະທານຮູຈິນທ່າວອີກເທື່ອໜຶ່ງຢູ່ຮ່າໂນ້ຍ,ໄດ້ກ້າວເຖິງຂັ້ນມີຄວາມເຫັນເປັນເອກະສັນກັນກ່ຽວກັບການພ້ອມກັນຊຸກຍູ້ການແລກປ່ຽນລະຫວ່າງສອງປະເທດ.ການສົນທະນາແລະການແລກປ່ຽນແບບນີ້ຈະກາຍເປັນກຳລັງອັນມະຫາສານທີ່ຊຸກຍູ້ການພັດທະນາການພົວພັນຍີ່ປຸ່ນຈີນໃນຕໍ່ໜ້າ.
|
|
