|
ໂຄສົກອົງການການຄ້າໂລກຢືນຢັນຜົນສຳເລັດທີ່ຈີນຍາດມາໄດ້ໃນເວລາ5ປີແຕ່ເຂົ້າເປັນສະມາຊິກອົງການການຄ້າໂລກມານີ້
cri
Author: shuo
ຕາມຂ່າວCRI:ວັນທີ11ທັນວານີ້ແມ່ນວັນຄົບຮອບ5ປີທີ່ຈີນເຂົ້າເປັນສະມາຊິກອົງການ ການຄ້າໂລກ.ຫວ່າງແລ້ວນີ້,ໃນເວລາຕ້ອນຮັບການເຂົ້າສຳພາດຂອງນັກຂ່າວວິທະຍຸພວກເຮົາຢູ່ເຊີແນວ,ນາງອາໂນສ ເດີ ບົກໂຮຊຽນໂຄສົກອົງການການຄ້າໂລກຊີ້ອອກວ່າ,ຈີນໄດ້ທຳຄວາມພະຍາຍາມຢ່າງໃຫຍ່ຫຼວງເພື່ອປະຕິບັດຕາມຄຳໝັ້ນສັນຍາຂອງຕົນແລະໄດ້ມີຄວາມຄືບໜ້າຢ່າງໃຫຍ່ຫຼວງ.
ນາງບົກໂຮຊຽນເວົ້າວ່າ,ພາຍຫຼັງຈີນເຂົ້າເປັນສະມາຊິກອົງການການຄ້າໂລກມານີ້,ໄດ້ຮັບຜົນງານອັນດີເດັ່ນໃນການປະຕິຮູບ,ບໍ່ພຽງແຕ່ເຮັດໃຫ້ກົດໝາຍກົດບັນຍັດຂອງຕົນສອດ ຄ່ອງກັບກະຕິກາອົງການການຄ້າໂລກທໍ່ນັ້ນ,ຍັງໄດ້ໄຂປະຕູຕື່ມອີກໃນດ້ານເສດຖະກິດ ການຄ້າແລະຕະຫຼາດ.ນາງເວົ້າວ່າ,ຈີນເຂົ້າເປັນສະມາຊິກອົງການການຄ້າໂລກ,ບໍ່ພຽງແຕ່ໄດ້ນຳເອົາໂອກາດການທຸລະກິດໃຫ້ຄູ່ການຄ້າທັງໝົດທໍ່ນັ້ນ,ຍັງໄດ້ນຳເອົາທັດສະນະໃໝ່ດ້ານການຄ້າສາກົນໃຫ້ອົງການການຄ້າໂລກອີກດ້ວຍ.ພ້ອມກັນນັ້ນ,ຈີນກໍຈະເສີມຂະຫຍາຍບົດບາດສຳຄັນໃນການເຈລະຈາຮອບໂດຮາ.
ຂະນະດຽວກັນນີ້,ນາງບົກໂຮຊຽນຊີ້ອອກວ່າ,ປະຈຸບັນນີ້,ຈີນມີບາງປະກົດການດ້ານການລົງທຶນແລະເສດຖະກິດບໍ່ສະໝ່ຳສະເໝີກັນ,ນາງເຊື່ອໝັ້ນວ່າ,ການເຂົ້າເປັນສະມາຊິກອົງການການຄ້າໂລກຈະຊ່ອຍຈີນເອົາຊະນະສິ່ງທ້າທາຍ,ສືບຕໍ່ກ້າວໄປໜ້າ.
|
|
