|
ຍົນໂດຍສານA380ທີ່ໃຫຍ່ພິລຶກບິນມາຮອດປັກກິ່ງ
cri
ຕາມຂ່າວສານຊິນຮວາ,ຕອນເຊົ້າເວລາ10ໂມງ5ນາທີ ວັນທີ23ພະຈິກນີ້ເວລາປັກກິ່ງ,ຍົນໂດຍສານເອບັສ 380 ທີ່ເປັນຍົນໃຫຍ່ພິລຶກໄດ້ບິນມາຮອດສະໜາມບິນນະຄອນຫຼວງປັກກິ່ງ,ສະໜາມບິນແຫ່ງທີສອງທີ່ຍົນດັ່ງກ່າວລົງຈອດຢູ່ເຂດໃນຈີນ.
ເທື່ອນີ້,ຍົນເອບັສ380ຈອດຢູ່ສະໜາມບິນນະຄອນຫຼວງປັກກິ່ງພຽງ6ຊົ່ວໂມງ,ພຽງແຕ່ຈອດຊື່ໆ,ບໍ່ສະແດງການບິນ.ຕອນບ່າຍ4ໂມງຈະບິນໄປສະໜາມບິນພູຕົ່ງຊຽງໄຮ້,ເມື່ອວາງສະແດງໃນວັນທີ24ພະຈິກແລ້ວ,ຈະກັບຄືນສູ່ຝະຣັ່ງໃນມື້ດຽວກັນ.
ຍົນເອບັສ 380 ແມ່ນເຮືອບິນພົນລະເຮືອນທີ່ມີຄວາມສາມາດຂົນສົ່ງຜູ່ໂດຍສານໄດ້ຫຼາຍທີ່ສຸດ ອອກແບບແລະຜະລິດໂດຍບໍລິສັດເອບັສເອີລົບ.ຍົນໂດຍສານແບບນີ້ມີສອງຊັ້ນ, ສາມາດບັນທຸກຜູ່ໂດຍສານໄດ້840ຄົນ.ເມື່ອໃຊ້ການແລ້ວ,ຍົນ A380 ຈະກາຍເປັນຍົນໂດຍສານໃຫຍ່ກວ່າໝູ່ໃນໂລກ.
|
|
